Top Rated Posts ....
Search

Is Badshah Ki Qabar Se Balaa Nikli Hai...

Posted By: Abid on 21-07-2018 | 00:47:07Category: Political Videos, News


اس بادشاہ کی قبر سے بلا نکلی ہے ۔۔۔۔ اہم ترین اسلامی ملک میں کل ایک خبر جنگل کی آگ کی طرح پھیل گئی ، اصل کہانی کیا تھی ؟ جانیے
لاہور(ویب ڈیسک)دو ہفتے پہلے مصر میں ماہرینِ آثارِ قدیمہ نے اسکندریہ سے سنگِ سیاہ سے تراشا گیا ایک بہت بڑا تابوت کھود نکالا تھا جس کی عمر کا تخمینہ دو ہزار سال لگایا گیا تھا۔اس کے ساتھ ہی ملک بھر میں ایک افواہ جنگل کی آگ کی طرح پھیل گئی۔

کیا اس تابوت کے اندر کوئی خوفناک بلا چھپی ہے جو نکل کر سارے ملک یا پھر ساری دنیا کو اپنی لپیٹ میں لے لے گی؟جن ماہرین نے اسے کھولا ہے وہ کہتے ہیں کہ ایسی کوئی بات نہیں ہے۔ اس کی بجائے تابوت سے تین ڈھانچے برآمد ہوئے اور ساتھ ہی ایک ناقابلِ برداشت بدبو۔مصر کے محکمۂ آثارِ قدیمہ نے تابوت کشائی کے لیے ماہرین کی ایک کمیٹی مقرر کی تھی۔مصری اخبار الوطن کے مطابق انھوں نے تابوت کا ڈھکن دو انچ بھی نہیں اٹھایا تھا کہ تیز بدبو نے انھیں وہاں سے فرار ہونے پر مجبور کر دیا۔بعد میں تابوت کھولنے کے لیے فوج کی خدمات حاصل کی گئیں اور فوجی انجینیئروں نے تابوت کا بھاری ڈھکن اٹھایا۔محکمۂ آثارِ قدیمہ کے سیکریٹری جنرل مصطفیٰ وزیری نے کہا: ‘تابوت کے اندر سے تین لوگوں کی ہڈیاں نکلیں، یہ بظاہر ایک خاندان کی مشترکہ تدفین لگتی ہے۔ بدقسمتی سے ممیاں اچھی حالت میں نہیں ہیں اور صرف ان کی ہڈیاں بچی ہیں۔’میڈیا میں آنے والے خدشات کے بارے میں کہ تابوت کھولنے سے فرعونوں کے زمانے کی کوئی آفت پھیل جائے گی، انھوں نے کہا کہ ‘ہم نے اسے کھول لیا ہے، اور الحمدللہ دنیا ابھی تک اندھیروں میں نہیں ڈوبی۔سب سے پہلے میں نے اپنا سر تابوت کے اندر داخل کیا تھا اور اب میں آپ کے سامنے صحیح سلامت کھڑا ہوں۔’تصویر کے کاپی رائٹAFP/GETTY IMAGESImage captionتابوت سے تین آدمیوں کی ہڈیاں نکلیں جو بظاہر سپاہی ہیںاس کے باوجود تابوت کھولتے وقت علاقے کو لوگوں سے خالی کروا لیا گیا تھا۔ کسی آفت کے ڈر سے نہیں، بلکہ اس خدشے کے پیشِ نظر کہ تابوت میں کوئی خطرناک گیس نہ ہو۔ماہرین نے کہا ہے کہ تابوت کے اندر موجود تین افراد بظاہر فرعونوں کے زمانے کے فوجی لگتے ہیں۔ان میں سے ایک کی کھوپڑی میں تیر کی چوٹ کا نشان ہے۔یہ تابوت ساڑھے چھ فٹ لمبا ہے اور اب تک مصر میں سے نکلنے والے تابوتوں میں سب سے لمبا ہے، جب کہ اس کا وزن 27 ٹن ہے۔یہ تابوت بطلیموس کے زمانے کا ہے، جو 323 قبل مسیح میں سکندر اعظم کی موت کے بعد شروع ہوا تھا۔اب ماہرین اس کے اندر موجود ہڈیوں پر تحقیق کر کے یہ جاننے کی کوشش کریں گے کہ یہ کون لوگ تھے، کس حال میں زندہ رہے اور کیسے مرے۔(ش۔ز۔م)

Comments...
Advertisement


Follow on Twitter

Popular Posts
Ab Action Ka Waqt Aa Gaya Hai

Ab Action Ka Waqt Aa Gaya Hai

Views 59 | 19-08-2019
Modi Bharat Ko Le Doobe 16 Dino Mein

Modi Bharat Ko Le Doobe 16 Dino Mein

Views 54 | 24-08-2019
Maryam Nawaz Nab Ke Shikanje Mein

Maryam Nawaz Nab Ke Shikanje Mein

Views 30 | 20-08-2019
Maryam Nawaz Ki Chhutti...Ab Kya...

Maryam Nawaz Ki Chhutti...Ab Kya...

Views 30 | 20-08-2019
5G Kaise Zindagiyon Mein Inqalaab

5G Kaise Zindagiyon Mein Inqalaab

Views 22 | 22-08-2019
Your feedback is important for us, contact us for any queries.