ایمان علی کی تو شادی ہوگئی مگر۔۔۔۔۔۔ پاکستانی اداکارہ نے اپنی ہی شادی پر ایسا کام کر دکھایا کہ انکے شوہر بھی حیران رہ گئے، ویڈیو دیکھ کر آپ بھی اپنی آنکھوں پر یقین نہیں کریں گے
لاہور ( مانیٹرنگ ڈیسک ) پاکستانی ماڈل و اداکارہ ایمان علی نے اپنے ساتھی بابر عزیز بھٹی کے ساتھ نکاح کرکے اپنی زندگی کے نئے سفر کا آغاز کردیا۔شادی کی تقریبات کا آغاز ان کے گھر میں رکھی مایوں سے ہوا جس میں اداکارہ نے زرد رنگ کا سادہ جوڑا زیب تن کیا تھا۔

تفصیلات کے مطابق ایمان علی کی شادی کی تقریبات کا آغاز ان کے گھر میں رکھی مایوں کی تقریب سے ہوا، جس دوران اداکارہ نے زرد رنگ کا سادہ جوڑا زیب تن کیا تھا ، ایمان علی نے مایوں کی تقریب کے بعد شینڈی کی تقریب منعقد کی اور اس ہی تقریب کے دوران ان کا نکاح بابر بھٹی سے ہوا ، نکاح میں جوڑے کے قبول ہے کہنے کی ویڈیوز بھی سوشل میڈیا پر وائرل ہوئیں ، اداکارہ نے اپنے نکاح اور شینڈی کی تقریب میں بھی زرد رنگ کے لہنگے اور انارکلی فراک میں نظر آئیں ، اس دوران انٹرٹینمنٹ انڈسٹری سے تعلق رکھنے والی کئی شخصیات نے بھی شرکت کی ، جن میں علی ظفر، فرحان سعید ، عروہ حسین اور عمیر جسوال شامل ہیں ،38 سالہ ایمان علی اور ان کے شوہر بابر بھٹی نے اپنی شادی کی اس تقریب کے دوران خوب رقص بھی کیا ، جس کی ویڈیوز سوشل میڈیا پر وائرل ہورہی ہیں ، اس تقریب میں ایمان علی کا میک اپ ان کے قریبی دوست اور میک اپ آرٹس اطہر شہزاد نے کیا ، جبکہ ایمان علی کا خوبصورت جوڑا مہدی نامی ڈیزائنر نے تیار کیا ، تقریب کے دوران ایمان علی اپنے والدین کے ساتھ بھی نظر آئیں۔

جبکہ انہوں نے بولی وڈ اداکارہ دپیکا پڈوکون کے گانے ’دیوانی مستانی‘ پر رقص بھی کیا ، خیال رہے کہ ایمان علی نے ڈان کو دیے ایک انٹرویو میں انکشاف کیا تھا کہ ان کی ملاقات بابر بھٹی سے ڈیڑھ سال قبل کراچی میں ہوئی تھی، جس کے بعد ہی انہوں نے شادی کرنے کا فیصلہ کیا ، فیشن ڈیزائنر اور اینکر حسن شہریار یاسین (ایچ ایس وائے) نے رواں سال اپنے انسٹاگرام پیج پر ایمان علی کی شادی کا اعلان ایک ویڈیو میں کیا تھا ، یہ ویڈیو ایمان علی کی ڈھولکی کے موقع کی تھی جس میں سپرماڈل کے قریبی دوست ڈانس کی مشق کررہے تھے۔