Top Rated Posts ....
Search

Bhikaari Aam Shehriyon Se Zayaada Ameer Hote Hain

Posted By: Abid on 15-03-2019 | 05:46:25Category: Political Videos, News


بھکاری عام شہریوں سے زیادہ امیر ہوتے ہیں 14 مارچ 2019
برطانیہ میں بھکاریوں کی حالت زار جاننے اور ان کے مسائل سمجھنے کےلیے دو ماہ تک سڑکوں پر بھکاریوں کے ہمراہ، بھکاری بن کر رہنے والے ایک برطانوی فوجی کپتان نے انکشاف کیا ہے کہ یہ بھکاری عام شہریوں سے زیادہ امیر ہوتے ہیں۔

بین الاقوامی خبر رساں ادارے کے مطابق اسٹیفورڈ، برطانوی برّی فوج میں کیپٹن ہیں اور ایک خفیہ مہم کے لیے دو ماہ تک بھکاری کا روپ دھار کر سڑکوں اور فٹ پاتھوں پر بھکاریوں کے ہمراہ رہے۔ انہیں بھکاریوں کی مشکوک حرکات، رہن سہن اور مافیاز پر نظر رکھنی تھی۔
اسٹیفورڈ نے اپنی مہم کے دوران لندن، مانچسٹر اور گلاسکو جیسے بڑے شہروں کی سڑکوں پر دن رات گزارے۔ اس دوران انہوں نے کھانا پینا اور دیگر معمولات بھکاریوں کے ساتھ ہی انجام دیئے اور چونکا دینے والی کہانیاں اور کردار سامنے آئے۔ معلوم ہوا کہ یہ پورا ایک مافیا ہے جس میں ملک کی جاسوسی سے لے کر منشیات و اسلحہ فروشی تک کی راہ ہموار ہے۔
برطانوی کیپٹن نے اپنی مہم کے حوالے سے سب سے بڑا انکشاف یہ کیا کہ تقریباً تمام ہی بھکاری ایک اوسط برطانوی شہری سے زیادہ امیر تھے۔ ایک بھکاری ماہانہ 6 ہزار پاؤنڈ تک کمالیتا ہے جب کہ کھانا پینا بھی مفت ہوتا ہے۔ یہ رقم منشیات اور جوئے میں بھی استعمال ہوتی ہے۔

برطانوی کیپٹن اسٹیفورڈ نے مزید بتایا کہ کچھ بھکاری ایسے بھی تھے جن کی ماہانہ آمدنی ایک سپاہی سے بھی زیادہ تھی جب کہ ملازمت کے اوقات کار ایک سپاہی سے آدھے بھی نہیں تھے۔ کچھ بھکاری موٹی رقم اپنے گھروں کو بھی بھیجتے تھے۔

Comments...
Advertisement


Follow on Twitter

Popular Posts
Mehwish Hayat Ka Item Number

Mehwish Hayat Ka Item Number

Views 48 | 23-06-2019
Your feedback is important for us, contact us for any queries.