Top Rated Posts ....
Search

Yeh Hui Na Baat....Punjab Ke Wazaraa Ne...

Posted By: Ahmed on 24-04-2019 | 19:05:51Category: Political Videos, News


’’ یہ ہو ئی نہ با ت ‘‘پنجاب کے وزرا نے اپنی تنخواہ رمضان سبسڈی فنڈ میں دینے کا اعلان کر دیا
لاہور (نیوز ڈیسک ) پنجاب کے وزرا نے اپنی تنخواہیں رمضان سبسڈی فنڈ میں دینے کا اعلان کر دیا۔ تفصیلات کے مطابق وزیراعلٰی پنجاب کی زیرِ صدارت صوبائی کابینہ کے اجلاس میں رمضان پیکج پر عمل درآمد کی منظوری دی گئی۔ جس میں چند صوبائی وزرا نے ایک ماہ اور چند صوبائی وزرا نے دو ماہ کی تنخواہ رمضان سبسڈی فنڈ میں دینے کا اعلان کیا۔

رمضان المبارک کے لئے پنجاب میں 25 شعبان تک سستے بازار قائم کر لیے جائیں گے، جبکہ 21 رمضان کے بعد سستے بازار عید بازار میں بدل جائیں گے۔ اجلاس میں فیصلہ کیا گیا کہ پنجاب حکومت ذخیرہ اندوزوں کے خلاف سخت کارروائی کرے گی، تمام وزرا اور ارکان اسمبلی مہنگائی پر قابو پانے کےلئے فیلڈ میں فرائض انجام دیں گے۔ واضح رہے کہ پاکستان سمیت دنیا کے بیشتر حصوں میں رمضان المبارک کا چاند 5 مئی (29 شعبان) کو نظر نہ آنے کے قوی امکانات ہیں۔ جب کہ سعودی اور اس کے ہمسایہ ممالک میں 5 مئی کو یہی چاند کی رویت ہو گی۔ تاہم پاکستان اور خطے کے دیگر ممالک میں پہلا روزہ منگل 7 مئی کو ہو گا۔ رمضان المبارک میں حکومت نے پناہ گاہوں میں مفت سحری اور افطاری کے اہتمام کا اعلان کر رکھا ہے۔ اس حوالے سے وفاقی وزیر ریلوے شیخ رشید نے کہا تھا کہ اس رمضان پیکیج کی منظوری وزیر اعظم کی ہدایت کے بعد وفاقی کابینہ کی جانب سے دی گئی ۔دو ارب روپے کے اس رمضان پیکیج میں 19 اشیاء شامل ہیں، جبکہ سرکاری پناہ گاہوں میں سحری و افطاری کا بندوبست بھی اس پیکیج میں مختص رقم کے ذریعے کیا جائے گا۔ انہوں نے مزید

کہا کہ ا س پیکیج کے جاری کرنے کا مقصد رمضان المبارک کے دوران غریب عوام تک بنیادی اشیائے خورد و نوش کی رسائی ہے، تاکہ اُنہیں فائدہ ہو سکے۔

Comments...
Advertisement


Follow on Twitter

Popular Posts
Bani PTI Jald Jail Se Bahar Hon Ge

Bani PTI Jald Jail Se Bahar Hon Ge

Views 35 | 24-03-2024
Zia Ul Hassan Lanjar Big Statement

Zia Ul Hassan Lanjar Big Statement

Views 23 | 26-03-2024
MQM Ki Warning... Badi Breaking

MQM Ki Warning... Badi Breaking

Views 22 | 28-03-2024
Your feedback is important for us, contact us for any queries.