Top Rated Posts ....
Search

Turkish hacker group hacked Adnan Sami Twitter Account

Posted By: Joshi on 12-06-2019 | 13:21:39Category: Political Videos, News


ترکش ہیکرگروپ نے عدنان سمیع کاٹوئٹراکائونٹ ہیک کرلیا
ممبئی (نیوز ڈیسک) بالی وڈ کے لیجنڈری فلمسٹار امیتابھ بچن کے بعد اب گلوکار عدنان سمیع کا ٹویٹر اکاؤنٹ ہیک کر لیا گیا ہے۔ تفصیلات کے مطابق گلوکار عدنان سمیع خان کا ٹویٹر اکاؤنٹ بھی اسی ہیکرز گروہ نے ہیک کیا جس نے گذشتہ روز امیتابھ بچن کا ٹویٹر اکاؤنٹ ہیک کیا تھا۔ ہیکرز نےعدنان سمیع خان کے اکاؤنٹ سے پیغامات جاری کیے اور پروفائل

پکچر پر عدنان سمیع خان کی جگہ وزیراعظم پاکستان عمران خان کی تصویر لگا دی۔اکاؤنٹ ہیک کرنے کے بعد جاری کیے گئے پہلے پیغام میں ترکی اور پاکستان کے جھنڈے کی تصویر شئیر کی گئی۔ پیغام میں کہا گیا کہ ہمیں پاکستان آنے اور وزیراعظم کے ساتھ ملاقات کر کے بے حد خوشی ہو گی۔جس کے بعد دوسرے پیغام میں کہا گیا کہ یہ اکاؤنٹ ترکی کی سائبر آرمی نے ہیک کر لیا ہے۔اس اکاؤنٹ کے تمام میسجز اور اہم ڈیٹا بھی حاصل کر لیا گیا ہے۔اس کے علاوہ بھی اس ٹویٹر اکاؤنٹ سے کئی پیغامات شئیر کیے گئے۔اپنے اہم پیغام میں ہیکرز کا کہنا تھا کہ جو بھی ہمارے برادر ملک پاکستان کے ساتھ غداری کرے گا وہ یہ بات بخوبی جان لے کہ اُس کے ٹویٹر اکاؤنٹ پر عمران خان اور پاکستان کے جھنڈے کی تصویر ہو گی۔واضح رہے کہ گلوکار عدنان سمیع کے مائیکروبلاگنگ ویب سائٹ ٹویٹر پر چھ لاکھ 11 ہزار فالوورز ہیں جنہوں نے ان کا اکاؤنٹ ہیک ہونے پر ملے جُلے رد عمل کا اظہار کیا۔آفیشل اکاؤنٹ ہیک ہونے کے بعد گلوکار عدنان سمیع نے مبینہ طور پر ٹویٹر پر ایک نیا اکاؤنٹ بنا لیا ہے جس سے پہلا پیغام جاری کیا گیا کہ میرا ٹویٹر اکاؤنٹ ہیک ہو گیا ہے ، مجھے اس اکاؤنٹ

پر سپورٹ کریں اور ٹویٹ کو زیادہ سے زیادہ شئیر کریں۔ البتہ اس اکاؤنٹ سے متعلق تاحال تصدیق نہیں ہو سکی کہ آیا یہ اکاؤنٹ واقعی عدنان سمیع کا ہے یا نہیں۔ یاد رہے کہ گذشتہ روز جب امیتابھ بچن کا ٹویٹر اکاؤنٹ ہیک کیا گیا تب بھی ان کے اکاؤنٹ سے پاکستان اور ترکی کے پرچم کی تصویر شئیر کی گئی اور ساتھ ہی پیغام بھی جاری کیا گیا۔

Comments...
Advertisement


Follow on Twitter

Popular Posts
Corona SOP... Ke Khilaaf... news

Corona SOP... Ke Khilaaf... news

Views 55 | 26-11-2020
Dr. Atta Ur Rehman Latest Interview

Dr. Atta Ur Rehman Latest Interview

Views 53 | 28-11-2020
PDM Multan Jalsa Rokhne Ki...

PDM Multan Jalsa Rokhne Ki...

Views 53 | 29-11-2020
Your feedback is important for us, contact us for any queries.