Top Rated Posts ....
Search

Operation clean-up after the PCB World Cup

Posted By: Ahmed on 18-06-2019 | 22:17:01Category: Political Videos, News


پی سی بی کا ورلڈ کپ کے بعد آپریشن کلین اپ اور پوسٹ مارٹم کا فیصلہ
لاہور: ورلڈ کپ کے بعد سینئر کھلاڑیوں، ٹیم مینجر طلعت علی اور کوچنگ اسٹاف میں تبدیلی پر اتفاق کرلیا گیا۔

کرکٹ ٹیم کی انتہائی مایوس کن کارکردگی پر پاکستان کرکٹ بورڈ نے فوری طور پر “پینک بٹن” نہ دبانے کے ساتھ میگا ایونٹ ختم ہونے کے بعد آپریشن کلین اپ اور پرفارمنس کی بنیاد پر پوسٹ مارٹم کا فیصلہ کیا ہے۔

بھارت کے خلاف انتہائی ناقص کارکردگی نے کپتان، کئی کھلاڑیوں، کوچ اور سلیکشن کمیٹی کے مستقبل پر سوالیہ نشان لگایا دیا ہے، سرفراز احمد شدید ترین تنقید کی زد میں ہیں جس کے بعد ان کی کپتانی کا بچنا آسان نہیں رہا۔ شعیب ملک اور محمد حفیظ کا ون ڈے کیریئر بھی کنارے پر ہے جب کہ انضمام الحق کی سربراہی میں سلیکشن کمیٹی کا کنٹریکٹ 15 جولائی کو ختم ہو جائے گا۔

ذرائع کے مطابق سلیکشن کمیٹی کے کنٹریکٹ میں توسیع کا امکان نہیں، ہیڈ کوچ مکی آرتھر معاہدے میں توسیع چاہتے ہیں لیکن بورڈ حکام انہیں فارغ کرنے کا سوچ رہے ہیں۔ بیٹنگ کوچ گرانٹ فلاور ٹیم کے ساتھ کام کرنے سے پہلے ہی معذرت کرچکے ہیں، بولنگ کوچ اظہر محمود، فیلڈنگ کوچ گرانٹ بریڈبرن ، فٹنس ٹرینر گرانٹ لوڈن اور فزیو تھراپسٹ کلف ڈیکن بھی اب کچھ دنوں کے مہمان دکھائی دیتے ہیں۔

ورلڈکپ ختم ہونے کے بعد پاکستانی ٹیم کی پہلی سیریز ستمبر میں سری لنکا کے ساتھ طے ہے جو آئی سی سی ٹیسٹ چیمپئن شپ کا حصہ ہے، پی سی بی نے لاہور اور کراچی میں ان دونوں ٹیسٹ میچوں کی میزبانی کے لیے ہوم ورک بھی شروع کردیاہے۔

Comments...
Advertisement


Follow on Twitter

Popular Posts
Bani PTI Jald Jail Se Bahar Hon Ge

Bani PTI Jald Jail Se Bahar Hon Ge

Views 35 | 24-03-2024
Zia Ul Hassan Lanjar Big Statement

Zia Ul Hassan Lanjar Big Statement

Views 23 | 26-03-2024
MQM Ki Warning... Badi Breaking

MQM Ki Warning... Badi Breaking

Views 22 | 28-03-2024
Your feedback is important for us, contact us for any queries.