Top Rated Posts ....
Search

Maa Banne Ke Baad Shadi Ka Faisla

Posted By: Akram on 17-07-2019 | 00:31:07Category: Political Videos, News




گرما گرم خبر: ماں بننے کے مرحلے سے گزرنے کے بعد نامور اداکار ہ نے شادی کا فیصلہ کر لیا
لاہور(ویب ڈیسک)اپنے ہاں ایک بچے کی پیدائش کے بعد دنیا کی کم عمر ترین سیلف میڈ ارب پتی خاتون کا اعزاز حاصل کرنے والی امریکی ماڈل و ٹی وی اسٹار 21 سالہ کایلی جینر نے شادی کا فیصلہ کرلیا۔ کایلی جینر کے ہاں پہلے بچے کی پیدائش فروری 2018 میں ہوئی تھی اور اطلاعات ہیں

کہ وہ دوسری بار ماں بننے کا ارادہ رکھتی ہیں، اس لیے دوبارہ والدہ بننے سے قبل وہ شادی کرنا چاہتی ہیں۔کایلی جینر اپریل 2017 سے امریکی ریپر و گلوکار 28 سالہ تریوس اسکاٹ کے ساتھ رہ رہی ہیں اور دونوں متعدد بار ایک دوسرے سے شادی کرنے کی خواہش کا اظہار بھی کر چکے ہیں۔کایلی جینر کے ہاں فروری 2018 میں پیدا ہونے والی پہلی بچی بھی انہیں تریوس اسکاٹ سے ہوئی تھی اور اطلاعات ہیں کہ اب ماڈل دوسری مرتبہ بھی ماں بننے کی خواہش رکھتی ہیں۔معروف امریکی میگزین ’پیپلز‘ نے ذرائع سے اپنی رپورٹ میں بتایا کہ کایلی جینر اور تریوس اسکاٹ نے اپنے تعلقات کے 2 سال بعد پہلی بار شادی کرنے سے متعلق بات چیت شروع کی ہے۔رپورٹ میں دعویٰ کیا گیا کہ اگرچہ پہلے بھی دونوں اپنے تعلقات کو رشتے میں بدلنے کی باتیں کرتے رہے ہیں، تاہم اب کی بار انہوں نے جلد شادی کرنے سے متعلق باتیں کرنا شروع کی ہیں اور توقع ہے کہ وہ جلد اس حوالے سے اعلان کریں گے۔ جوڑے سے متعلق قریبی ذرائع کا کہنا ہے کہ اگرچہ کایلی جینر اپنی حالیہ زندگی سے بہت خوش ہیں، تاہم ان کی خواہش ہے کہ وہ خاندان کو مزید بڑھائے اور وہ اپنی چھوٹی بیٹی کو بھائی یا بہن دینا چاہتی ہیں۔ رپورٹ میں ذرائع سے بتایا گیا کہ اگرچہ کایلی جینر اس وقت حاملہ نہیں، تاہم خیال کیا جا رہا ہے کہ وہ شادی سے متعلق فیصلہ کرنے کے بعد دوبارہ ماں بننے سے متعلق منصوبہ بندی کریں گی۔ کایلی جینر امریکی ماڈل کنڈیل جینر کی بڑی بہن ہیں، وہ اپنے منفرد فیشن اور ماڈلنگ انداز کی وجہ سے دنیا بھر میں جانی جاتی ہیں، دنیا بھر کی کم عمر اور نوجوان لڑکیاں ان کے فیشن کو کاپی کرتی ہیں۔ کایلی جینر امریکا کی اداکار فیملی سے تعلق رکھتی ہیں، وہ کارڈیشین سسٹرز کی سوتیلی بہن ہیں، انہوں نے 9 سال کی عمر سے ریئلٹی ٹی وی شو میں شرکت کرنا شروع کی اور دیکھتے ہی دیکھتے دنیا بھر میں مشہور ہوگئیں۔ کایلی جینر کو امریکی اقتصادی جریدے فوربز نے گزشتہ برس جولائی میں دنیا کی کم عمر ترین سیلف میڈ ارب پتی خاتون قرار دیا تھا، اس وقت تک ان کے اثاثوں کی مالیت ایک ارب ڈالر تھی۔کایلی جینر اس وقت سال میں زیادہ کمائی کرنے والی دوسری شخصیت ہیں، فوربز کے مطابق دنیا کی سب سے زیادہ کمائی کرنے والی 100 شخصیات میں پہلے نمبر پر ٹیلر سوئفٹ اور دوسرے نمبر کایلی جینر ہیں۔کایلی جینر کی سالانہ کمائی 17 کروڑ ڈالر کے لگ بھگ ہے یعنی وہ سالانہ پاکستانی 25 ارب روپے کے قریب کماتی ہیں۔کایلی جینر نہ صرف فیشن کی وجہ سے دنیا بھر کی نوجوان لڑکیوں میں معروف ہیں بلکہ وہ سوشل میڈیا پر بھی متحرک رہتی ہیں اور انسٹاگرام پر وہ سب سے زیادہ فالو کی جانے والی شخصیت ہیں۔


Comments...
Advertisement


Follow on Twitter

Popular Posts
Ab Action Ka Waqt Aa Gaya Hai

Ab Action Ka Waqt Aa Gaya Hai

Views 59 | 19-08-2019
Modi Bharat Ko Le Doobe 16 Dino Mein

Modi Bharat Ko Le Doobe 16 Dino Mein

Views 54 | 24-08-2019
Maryam Nawaz Nab Ke Shikanje Mein

Maryam Nawaz Nab Ke Shikanje Mein

Views 30 | 20-08-2019
Maryam Nawaz Ki Chhutti...Ab Kya...

Maryam Nawaz Ki Chhutti...Ab Kya...

Views 30 | 20-08-2019
5G Kaise Zindagiyon Mein Inqalaab

5G Kaise Zindagiyon Mein Inqalaab

Views 22 | 22-08-2019
Your feedback is important for us, contact us for any queries.