Top Rated Posts ....
Search

Aiza Khan's dance video to Sri Devi's song goes viral

Posted By: Akram Khan on 22-09-2021 | 10:23:51Category: Political Videos, News


عائزہ خان کی سری دیوی کے گانے پر ڈانس کی ویڈیو وائرل
کراچی: اداکارہ عائزہ خان کی ایک ویڈیو سوشل میڈیا پر وائرل ہورہی ہے جس میں وہ بالی ووڈ کی آنجہانی اداکارہ سری دیوی کے مشہور گانے ’’میرے ہاتھوں میں‘‘پر ڈانس کررہی ہیں۔

عائزہ خان ڈراما سیریل ’’لاپتہ‘‘ میں ایک ٹک ٹاکر کا کردار ادا کررہی ہیں اور اپنے کردار کی ڈیمانڈ کے مطابق وہ ڈرامے میں بالی ووڈ اور لالی ووڈ کی کئی اداکاراؤں کے روپ میں نظر آرہی ہیں۔ جن میں میڈم نورجہاں، سری دیوی، مادھوری ڈکشٹ، اداکارہ کاجول اور سپر اسٹار ماہرہ خان شامل ہیں۔ عائزہ خان ان اداکاراؤں کے روپ میں اپنی جھلکیاں سوشل میڈیا پر پہلے بھی شیئر کرچکی ہیں۔ جنہیں مداحوں نے بے حد پسند کیا تھا۔


گزشتہ روز عائزہ خان نے انسٹاگرام اکاؤنٹ پر ایک ویڈیو شیئر کی جس میں وہ بالی ووڈ کی پہلی فی میل سپر اسٹار آنجہانی اداکارہ سری دیوی کے مقبول گانے’’میرے ہاتھوں میں نو نو چوڑیاں ہیں‘‘ پر ڈانس کرتی ہوئی نظر آرہی ہیں۔

مداحوں کو عائزہ خان کا ڈانس بے حد پسند آرہا ہے اور محض ایک دن میں اس ویڈیو کو انسٹاگرام پر 8 لاکھ سے زائد بار دیکھاجا چکا ہے۔ عائزہ خان کی ویڈیو کو نہ صرف پاکستان میں پسند کیا جارہا ہے بلکہ ان کی ویڈیو بھارت میں بھی مقبول ہورہی ہے۔

اس سے قبل عائزہ خان سری دیوی کو اپنی پسندیدہ اداکارہ قرار دے چکی ہیں۔ انہوں نے کہا تھا افسوس ہے سری دیوی ہمارا ساتھ بہت جلد چھوڑ گئیں۔ تاہم وہ بطور اداکارہ اور ایک ماں کی حیثیت سے ہمیشہ میرے لیے ایک متاثر کن شخصیت رہیں گی۔

Comments...
Advertisement


Follow on Twitter

Popular Posts
Bani PTI Jald Jail Se Bahar Hon Ge

Bani PTI Jald Jail Se Bahar Hon Ge

Views 35 | 24-03-2024
Zia Ul Hassan Lanjar Big Statement

Zia Ul Hassan Lanjar Big Statement

Views 23 | 26-03-2024
MQM Ki Warning... Badi Breaking

MQM Ki Warning... Badi Breaking

Views 22 | 28-03-2024
Your feedback is important for us, contact us for any queries.