Top Rated Posts ....
Search

In Karachi, an unfortunate son killed his mother by hitting her on the head with a heavy object

Posted By: Armaan on 22-09-2021 | 15:54:21Category: Political Videos, News


کراچی میں بدبخت بیٹے نے ماں کو سر پر بھاری چیز مار کر قتل کر دیا
کراچی: گلشن معمار میں بدبخت بیٹے نے گھریلو جھگڑے کے دوران ماں کو سر پر بھاری چیز مار کر قتل کر دیا۔

سائٹ سپر ہائی وے پولیس کے مطابق گلشن معمار کے علاقے خادم گوٹھ میں گھریلو جھگڑے کے دوران سر پر بھاری چیز لگنے سے ضعیف العمر خاتون جاں بحق ہوگئی جس کی اطلاع پر پولیس نے موقع پر پہنچ کر لاش ضابطے کی کارروائی کے لیے عباسی شہید اسپتال پہنچائی جہاں مقتولہ کی شناخت 60 سالہ لال بی بی زوجہ غلام محمد کے نام سے ہوئی۔

پولیس کے مطابق ابتدائی تحقیقات کے مطابق جھگڑے کے دوران مقتولہ کے بیٹے شکیل نے اپنی ضعیف العمر ماں کے سر پر کوئی بھاری چیز ماری تھی جس کے باعث وہ جاں بحق ہوگئی جبکہ ملزم موقع سے فرار ہونے میں کامیاب ہوگیا۔

پولیس کا کہنا ہے کہ مقتولہ کے داماد منیر کے مطابق مقتولہ 8 بچوں کی ماں تھی جس میں 4 بیٹے اور 4 بیٹیاں شامل ہیں، ملزم شکیل کا دماغی توازن درست نہیں ہے اور اس کا علاج بھی چل رہا ہے، گھر کے اندر کسی بات پر جھگڑے کے دوران بیٹے شکیل نے پتھر یا کوئی بھاری چیز ماں کے سر پر ماری تھی۔

داماد منیر نے پولیس کو بتایا کہ سسرال سے فون کال آئی تھی کہ شکیل نے ماں کو مار دیا ہے ہم لاش اسپتال لے جا رہے ہیں جس پر میں بھی اسپتال پہنچ گیا جہاں ساس کی لاش رکھی ہوئی تھی۔

Comments...
Advertisement


Follow on Twitter

Popular Posts
Bani PTI Jald Jail Se Bahar Hon Ge

Bani PTI Jald Jail Se Bahar Hon Ge

Views 35 | 24-03-2024
Zia Ul Hassan Lanjar Big Statement

Zia Ul Hassan Lanjar Big Statement

Views 23 | 26-03-2024
MQM Ki Warning... Badi Breaking

MQM Ki Warning... Badi Breaking

Views 22 | 28-03-2024
Your feedback is important for us, contact us for any queries.