لندن (مانیٹرنگ ڈیسک) پاکستانی نژاد عالمی شہرت یافتہ برطانوی باکسر عامر خان نے بھی چیف جسٹس کی جانب سے مہمند اور دیامیر بھاشا ڈیمز کے لئے قائم فنڈز میں خطیر رقم جمع کروانے کا اعلان کردیا ہے۔ اپنے ایک بیان میں عامر خان نے ڈیمز کی تعمیر کےلئے 10لاکھ روپے کی رقم دینے کا اعلا ن کیا ہے۔ عامر خان نے کہا ہےکہ نہ صرف ڈیموں کی تعمیر کےلئے 10لاکھ روپے کے فنڈز دوں گا

بلکہ پاکستان جاکر ڈیموں کی تعمیر کےلئے چندہ بھی جمع کروں گا ۔ واضح رہے کہ دیامیر بھاشا اور مہند ڈیم کی تعمیر کےلئے اہم شخصیات ، سرکاری و نجی اداروں کے ملازمین اور عام شہریوں کی جانب سے رقم جمع کروائے جانے کا سلسلہ جاری ہے۔