Top Rated Posts ....
Search

Pakistaniyon Ne Sakhawat Ki Misaal Qaaim Kardi

Posted By: Ahmed on 21-07-2018 | 19:09:23Category: Political Videos, News


پاکستانیوں نے سخاوت کی مثال قائم کردی ، بھاشا اور مہمند ڈیمز کی تعمیر کیلئے اب تک کتنی رقم جمع ہو چکی ہے؟دل خوش کر دینے والی خبر آ گئی
اسلام آباد،لاہور(ویب ڈیسک ) سپریم کورٹ کی خصوصی ہدایات پر دیامیر بھاشا اور مہمند ڈیمز کی تعمیر کیلئے قائم کئے گئے خصوصی فنڈ میں 260 ملین روپے کے عطیات جمع ہوگئے ادھردو ڈیمزکی تعمیر کے لئے سپریم کورٹ آف پاکستان کے 4جولائی 2018ء کے فیصلے کے تناظر میں دیا مربھاشا مہمند ڈیم عملدرآمد

کمیٹی کا دوسرا اجلاس عملدرآمد کمیٹی کے سیکریٹریٹ میں منعقد ہوا۔اجلاس کی صدارت چیئرمین عملدرآمد کمیٹی /واپڈا لیفٹیننٹ جنرل (ر) مزمل حسین نے کی جبکہ عملدرآمد کمیٹی کے ارکان جن میں ایڈیشنل سیکرٹری(بجٹ ) فنانس ڈویژن ، جوائنٹ سیکرٹری (واٹر) وزارتِ آبی وسائل ، جوائنٹ سیکرٹری وزیر اعظم آفس) ، سینئر چیف (واٹر) منصوبہ بندی ڈویژن ، ایڈیشنل چیف سیکرٹری (ڈویلپمنٹ) خیبر پختونخوا اور سینئر ممبر بورڈ آف ریونیو خیبر پختونخوا شامل ہیں، اجلاس میں شریک ہوئے۔اجلاسمیں ایڈیشنل سیکرٹری (ایکسٹرنل فنانس) ، جوائنٹ سیکرٹری (اقتصادی امورڈویژن) ، جوائنٹ سیکرٹری (داخلہ) اور سیکرٹری (عملدرآمد و رابطہ) گلگت بلتستان سمیت دیگر ارکان نے بھی شرکت کی۔اجلاس سے خطا ب کرتے ہوئے چیئرمین عملدرآمد کمیٹی/واپڈا لیفٹیننٹ جنرل (ر) مزمل حسین نے کہا کہ سپریم کورٹ نے عملدر آمد کمیٹی کو دیامربھاشا اور مہمند ڈیم پراجیکٹ پر تعمیراتی کام جلد از جلد شروع کرنے اور دونوں منصوبوں کی بروقت تکمیل کی ذمہ داری سونپی ہے اور عملدرآمد کمیٹی اس ذمہ داری کو ادا کرنے کے لئے پُرعزم ہے۔مذکورہ مقصد کے لئے کمیٹی مختلف تجاویز کا جائزہ لے رہی ہے۔ انہوں نے عملدرآمد کمیٹی کے 12جولائی کو منعقد ہونے والے پہلے اجلاس میں دیامربھاشا ڈیم او رمہمند ڈیم کی تعمیر کے حوالے سے مختلف ایشوز کی نشاندہی

اور ان کے ممکنہ حل تجویز کرنے کے لئے بنائی گئیں مختلف سب کمیٹیوں کے فوری اور بروقت کام کی تعریف کی۔ سب کمیٹیوں نے اجلاس میں اپنے اپنے امور سے متعلق رپورٹس پیش کیں۔ لینڈ ایکوزیشن اینڈ ریسیٹلمنٹ سب کمیٹیوں نے منصوبوں کے لئے زمین کی خریداری اور متاثرین کی آباد کاری کی موجودہ صورت حال ،حائل رکاوٹوں اور اس عمل کو مکمل کرنے کے لئے مختلف اقدامات کے بارے میں آگاہ کیا۔ پروکیورمنٹ اینڈ امپلی مینٹیشن سب کمیٹی نے اجلاس کو پروکیورمنٹ کی حکمت عملی او رطریقہ ہائے کار ، اس حوالے درپیش مسائل اور حل کے لئے سب کمیٹی کی جانب سے تجویز کئے گئے اقدامات پر بریفنگ دی۔ پراجیکٹس فنانسنگ سب کمیٹی نے اجلاس کو دیا مربھاشا اور مہمند ڈیم منصوبوں کے جلد از جلد فنانشنل کلوز کے لئے درکار اقدامات ، فنڈز کے انتظامات کے لئے درپیش مشکلات اور انہیں دور کرنے کیحکمت عملی کی تفصیلات کے بارے میں بتایا ۔ سکیورٹی سب کمیٹی نے دونوں منصوبوں کی بروقت تکمیل کے لئے درکار سکیورٹی اقدامات سے آگاہ کیا،جبکہ کو آرڈینیشن سب کمیٹی نے عملدرآمد کمیٹی کے ارکان کو قانونی ،انتظامی اور لاجسٹکس سپورٹ مہیاء کرنے کے اقدامات بارے آگاہ کیا۔عملدرآمد کمیٹی نے سب کمیٹیوں کی جانب سے پیش کی جانے والی رپورٹس کا تفصیلی جائزہ لیا اور انہیں حتمی شکل دینے کے لئے سفارشات تجویز کیں۔(ع،ع)

Comments...
Advertisement


Follow on Twitter

Popular Posts
Bani PTI Jald Jail Se Bahar Hon Ge

Bani PTI Jald Jail Se Bahar Hon Ge

Views 35 | 24-03-2024
Zia Ul Hassan Lanjar Big Statement

Zia Ul Hassan Lanjar Big Statement

Views 23 | 26-03-2024
MQM Ki Warning... Badi Breaking

MQM Ki Warning... Badi Breaking

Views 22 | 28-03-2024
Your feedback is important for us, contact us for any queries.