عمران خان نے قوم سے خطاب ملتوی کر دیا
اسلام آباد(مانیٹرنگ ڈیسک)وفاقی وزیر اطلاعات و نشریات فواد چودھری نے کہا ہے کہ وزیراعظم کا ایک ماہ کی کارکردگی پر بیان جاری کرنے کا پروگرام ملتوی کر دیا گیا ہے۔واضح رہے کہ اس سے قبل امکان ظاہر کیا جا رہا تھا کہ وزیراعظم عمران خان آج شام قوم کے نام پیغام جاری کریں گے جس

میں وہ حکومتی کارکردگی پر عوام کو اعتماد میں لیں گے ۔نجی ٹی وی چینل جیو نیوز کے مطابق وفاقی وزیر اطلاعات و نشریات فواد چودھری نے کہا ہے کہ وزیراعظم کا ایک ماہ کی حکومتی کارکردگی پر قوم سے خطاب ملتوی کردیا گیا ہے۔یاد رہے کہ کچھ دیر قبل حکومت کی جانب سے پیغام جاری کیا گیا کیہ وزیراعظم عمران خان آج شام قوم کے نام پیغام جاری کریں گے، وزیراعظم اپنے پیغام میں حکومتی کارکردگی پر عوام کو اعتماد میں لیں گے۔میڈیا رپورٹس کے مطابق وزیراعظم عمران خان آج شام سوا 5 بجے قوم سے خطاب کریں گے جس میں وہ حکومتی کارکردگی پر عوام کو اعتماد میں لیں گے۔واضح رہے کہ اس سے قبل 6 ستمبر کو قوم کے نام پیغام میں وزیراعظم عمران خان نے ملک میں ڈیموں کی تعمیر کےلئے قوم اور دنیا بھر میں موجود پاکستانیوں سے مدد مانگی تھی۔