برسلز (ویب ڈیسک) یور پی یونین کی عدالت برائے انسانی حقوق نے آسٹریا کی خاتون جس نے حضور کی شان اقدس میں گستاحی کی ناپا ک جسارت کی تھی پر آسٹرین عدالت کی جانب سے عائد کی گئی جرمانے کی سزا کوبرقرار رکھا ہے ۔تفصیلات کے مطابق اس فیصلے میں یورپی یونین کی عدالت کے
ساتوں ججوں نے شا ن رسالت میں گستاخی کا ارتکاب کرنیوالے اس آسٹرین شہری کے متعلق متفقہ طور پرفیصلہ برقرار رکھتے ہوئے واضح کیاہے کہ اظہار رائے کی آزادی اس بات کا نام نہیں ہے کہ اس کی آڑ میں دنیا کی آبادی کی بڑے حصے یا مسلمانوں کی دل آزار ی کی جائے ، عدالت نے قرار دیاہے کہ توہین رسالت کا عمل معاشرے کیلئے خطرے ثابت ہو سکتا ہے۔واضح رہے کہ 2008اور 2009میں آزادی اظہار کے نام سے کئے جانے والے سیمینار میں اس شاتم رسول عورت نے نبی پاکﷺ کی ام المومنین حضرت عائشہ صدیقہ ؓ کے ساتھ شادی کو موضو ع بحث بناتے ہوئے شان رسالت میں گستاخی کا ارتکا ب کیا تھا جس پر ویانا کی ایک مقامی عدالت نے قصور وار قرار دیتے ہوئے اس پر 548ڈالر کا جرمانہ عائد کیا تھا جس کے خلاف اس نے یورپی یونین کی عدالت برائے انسانی حقوق میں اپیل دائر کی تھی ۔ یورپی یونین کی عدالتبرائے انسانی حقوق نے مذہبی رواداری اور مسلمانوں کے جذبات کے پیش نظر ویانا کی عدالت کے فیصلے کو برقرار رکھتے ہوئے شاتم رسول عورت کی اپیل کو مسترد کردیا ہے ۔