سیف علی خان کی صاحبزادی نے معروف اداکارسے شادی کی خواہش ظاہرکردی
ممبئی(ویب ڈیسک) بھارتی میڈیا رپورٹس کے مطابق بالی ووڈ کے معروف پروڈیوسر کرن جوہرکے شو ’کافی ود کرن‘ میں اداکار سیف علی خان اور بیٹی سارہ علی خان کو مدعو کیا گیا تھا جہاں پر گفتگو کے دوران بالی ووڈ کے چھوٹے نواب سیف علی خان کی بیٹی سارہ علی خان نے چاکلیٹی ہیرو رنبیر کپور سے شادی کی خواہش کا اظہار کیا۔میزبان کرن جوہرنے جب سارہ علی خان سے خوابوں کے شہزادے کے بارے میں پوچھا تو انکا کہنا تھا کہ وہ اگر شادی کرنا چاہیں تو رنبیر کپور سے کریں گی لیکن گہری دوستی اداکار کارتیک آریان کے ساتھ کرنا چاہیں گی۔کرن جوہرنے سیف علی خان

سے پوچھا کہ وہ بیٹی کو پسند کرنے والے انسان سے کون سے 3 سوال کریں گے، جس پر سیف نے کہا کہ وہ سیاست، نشہ کرنے کی عادت اور پیسوں سے متعلق سوال کریں گے، جس پر سارہ نے قہقہہ لگاتے ہوئے کہا کہ پیسوں سے متعلق سوال بالکل غلط ہے یہ آپ کو بار بار نہیں دہرانا چاہیے۔واضح رہے کہ سارہ علی خان فلم ’کیدار ناتھ‘ کے ذریعے اپنے فلمی کیرئیر کا آغاز کررہی ہیں لیکن فلم کو اس کی کہانی کی وجہ سے ہندو انتہا پسندوں کی جانب سے شدید تنقید کا نشانہ بنایا جارہا ہے۔