پاک فوج میں سزایافتہ2 فوجی اور ایک سول افسر جیل منتقل
لاہور(نیوزڈیسک) پاک فوج میں سزایافتہ 2 فوجی اور ایک سول افسر کو جیل منتقل کردیا گیا، افسران کے بیرون ملک جانے سے متعلق سوشل میڈیا پراطلاعات صرف افواہیں ہیں، سزائیں پانے والے افسران سماعت کے دوران ہی زیرحراست تھے۔ میڈیا رپورٹس کے مطابق ذرائع کا کہنا ہے کہ پاک فوج میں جاسوسی کے الزام میں سزایافتہ 2فوجی اور ایک سول افسر کو

جیل منتقل کردیا گیا، افسران کے بیرون ملک جانے سے متعلق سوشل میڈیا پراطلاعات صرف افواہیں ہیں، سزائیں پانے والے افسران سماعت کے دوران ہی زیرحراست تھے۔ بتایا گیا ہے کہ لیفٹیننٹ جنرل ر جاوید اقبال کو 14سال قید بامشقت کی سزا سنائی گئی تھی۔ اسی بریگیڈیئر راجا رضوان اور سول افسر ڈاکٹر وسیم اکرم کو سزائے موت کی سزا سنائی گئی تھی۔ واضح رہے پاک فوج کے شعبہ تعلقات عامہ (آئی ایس پی آر) کے مطابق چیف آف آرمی سٹاف جنرل قمر جاوید باجوہ نے 2 آرمی اور ایک سویلین افسر کی سزا کی توثیق کی تھی، تینوں افسران کو جاسوسی کے الزام میں سزائیں دی گئیں۔ آئی ایس پی آر کا کہنا ہے کہ ان افسران میں لیفٹیننٹ جنرل (ر) جاوید اقبال کو 14سال کی قیدسزاسنائی گئی۔ جبکہ بریگیڈیئر (ر) راجا رضوان کو سزائے موت کی سز اسنائی گئی۔ اسی طرح ایک سویلین افسر جس میں ڈاکٹر وسیم اکرم کو سزائے موت کی سزا سنائی گئی ۔ آرمی چیف نے تینوں افسران کی سزاؤں کی توثیق کردی ہے۔ فوج کے دونوں افسران غیرملکی خفیہ ایجنسیوں کو معلومات دے رہے تھے۔ بتایا گیا ہے کہ آرمی چیف نے 2 آرمی اور ایک سویلین افسرکو راز افشاں کرنے پر سزائیں

سنائیں۔ فوجی افسران کا کورٹ مارشل مکمل ہونے کے بعد سزائے سنائی گئیں۔ ان تمام افسران پرقومی سکیورٹی کے راز افشاں کرنے پر آفیشل سیکرٹ ایکٹ اور آرمی ایکٹ کے تحت مقدمات چلائے گئے تھے۔