ملک بھرمیں شدید گرمی کی لہر، لوگ گھروں میں محصور،محکمہ موسمیات نے متعدد علاقوں میں بارشوں کی پیش گوئی کردی
لاہور / کراچی(آن لائن)محکمہ موسمیات کے مطابق رواں ہفتے پنجاب، خیبرپختونخوا کے بیشترمیدانی علاقوں، مشرقی بلوچستان اور صوبہ سندھ میں موسم شدید گرم رہے گا تاہم مالاکنڈ، ہزارہ، کوہاٹ ڈویڑن، گلگت بلتستان اورکشمیرمیں چند مقامات پرآندھی چلنے اور گرج چمک کیساتھ بارش کا امکان ہے۔ ملک بھرمیں موسم گرم اورخشک ہونے کے باعث شہریوں کو شدید مشکلات کا سامنا ہے جب کہ درجہ حرارت میں مسلسل اضافہ ہورہا ہے۔ محکمہ موسمیات کے مطابق لاہورسمیت پنجاب بھرکے علاقے شدید گرمی کی لپیٹ میں ہیں، جس کے باعث لوگ گھروں میں محصورہوکررہ گئے ہیں۔ لاہورمیں درجہ حرارت 46 ڈگری سینٹی گریڈ تک

جانے کا امکان ہے۔ ادھر کراچی والوں کا بھی برا حال ہے اور سمندری ہوائیں بند ہونے سے شدید گرمی ہے۔