Indian Famous Celebrity from Imran Khan

Posted By: Abid on 25-07-2019 | 11:54:25Category: Political Videos, News

بھارت کی مشہور شخصیت نے عمران خان سے پاکستان آنے کی درخواست کر دی
اسلام آباد (مانیٹرنگ ڈیسک) بھارتی ہئیر اسٹائلسٹ دورہ پاکستان کے لیے وزیراعظم عمران خان کے دعوت نامے کی منتظر ہے۔ تفصیلات کے مطابق مائیکروبلاگنگ ویب سائٹ ٹویٹر پر اپنے پیغام میں سیلبرٹی ہئیراسٹائلسٹ سپنا بھونانی نے عمران خان کو مخاطب کیا اور کہا کہ عمران خان صاحب! میں بھارت سے تعلق رکھنے والی ایک ڈاکومینٹری فلم ساز ہوں۔ میں نے پاکستان کے صوبہ سندھ پر سندھستان کے نام سے ایک ڈاکومینٹری بنائی لیکن جب میں نے سندھ جانے کے لیے ویزا اپلائی کیا تو میرا ویزا دو مرتبہ مسترد کیا گیا۔ لیکن میں نے سنا ہے
کہ آپ مختلف ہیں اور امن چاہتے ہیں۔ تو کیا ہم ایسا کر سکتے ہیں؟ برائے مہربانی مجھے اور میری فلم کو سندھ آنے کی دعوت دیں ، یہ میرا خواب ہے۔ خیال رہے کہ ٹویٹر پیج سندھستان کے مطابق یہ ڈاکومینٹری سندھ میں بڑی تعداد میں ہجرت کر کے آنے والوں کے گرد گھرمتی ہے۔ سپنا کے اس ٹویٹ پر پاکستانیوں نے بھی ان کے اس آئیڈیا کا خیر مقدم کیا اور کہا کہ ہمارے لیے سندھ پاکستان کا حصہ ہے۔ آپ اپنے دورہ پاکستان کی منصوبہ بندی کریں۔ انشاء اللہ آپ کو پاکستان کے چاروں صوبوں میں خوش آمدید کہا جائے گا۔ جبکہ ٹویٹر پر سپنا کے لیے ایک ٹرینڈ WellcomeToSindhSapna# بھی متعارف کروایا گیا۔ ٹویٹر صارفین کا کہنا تھا کہ ہم اس ٹرینڈ کو مقبول کرتے ہیں اور ہمسایہ ملک کی فلم ساز خاتون کو پاکستان آنے میں مدد کرتے ہیں۔

Comments...