پاکستانی کرکٹر رضا حسن نے امریکا میں بھارت سے تعلق رکھنے والی غیر مسلم لڑکی سے منگنی کر لی۔

رضا حسن کی منگیتر کا نام پوجا ہے جو ہندو ہیں، ان دونوں کی منگنی نیویارک میں ہوئی اور اب شادی اگلے سال فروری میں ہو گی۔

رضا حسن نے کہا ہے کہ پوجا اسلام میں گہری دلچسپی رکھتی ہیں اور وہ جلد ہی مسلمان ہونے کا ارادہ رکھتی ہیں۔

واضح رہے کہ رضا حسن پاکستان چھوڑ کر امریکا منتقل ہو چکے ہیں۔

انہوں نے پاکستان کی طرف سے ایک ون ڈے اور 10 ٹی ٹوئنٹی انٹرنیشنل میچز کھیلے ہیں۔