سیہون کے گائوں جان محمد بھٹی میں ملزمان نے گھر میں گھس کر 3 خواتین کو اغوا کر لیا۔ایس ایس پی ظفر صدی کے مطابق یہ واقعہ گائوں جان محمد بھٹی میں پیش آیا جہاں ملزمان نے گھر میں گھس کر 3 خواتین کو اغوا کرلیا۔ایس ایس پی نے بتایا کہ اس حوالے سے 20 افراد پر دہشتگردی ایکٹ کے تحت مقدمہ درج کیا گیا ہے جب کہ واقعے میں ملوث 2 افراد کو گرفتار بھی کرلیا گیا۔ایس ایس پی کے مطابق کچھ عرصہ قبل ایک نوجوان نے مخالف برادری کی لڑکی سے پسند کی شادی کی تھی، پسند کی شادی کرنے پر دونوں برادری کے درمیان تنازع ہے جس پر مخالفین نیگھر میں گھس کرتینوں خواتین کو اغوا کیا۔انہوں نے مزید بتایا کہ مغوی خواتین کی بازیابی کیلئے چھاپے مارے جا ر ہے ہیں جب کہ اس دوران فائرنگ سے 2 افراد زخمی بھی ہوئے۔