تھرپارکر میں غذائی قلت اور بیماریوں کے باعث 5 روز کے دوران سول ہسپتال مٹھی میں زیرعلاج مزید 6 بچے دم توڑ گئے۔ہسپتال ذرائع کے مطابق بچے مختلف بیماریوں اور قوت مدافعت کم ہونے کے باعث زیر علاج تھے۔ذرائع کے مطابق ایک ماہ میں مٹھی ہسپتال میں مختلف امراض سے جاں بحق بچوں کی تعداد 50 ہو گئی۔اس حوالے سے ایم ایس سول ہسپتال مٹھی نے کہا کہ بچوں کی موت کا سبب گھروں میں زچگیاں اور کم وزن کے ساتھ پیدائش ہے۔