کینیڈا کے وزیراعظم مارک کارنی نے کہا ہے کہ امریکا اور اسرائیل نے اقوام متحدہ کو اعتماد میں لیے بغیر حملہ کیا۔ کینیڈا کے وزیراعظم مارک کارنی نے کہا کہ ایران پر حملہ عالمی نظام کی ناکامی کی ایک اور مثال ہے، مشرق وسطیٰ میں سویلینز پر ایرانی حملوں کی مذمت کرتے ہیں،امریکا اور اسرائیل سمیت تمام فریقوں سے کہتے ہیں عالمی قوانین کی پابندی کریں۔ دوسری جانب امریکا نے ایران میں ایک اور خطرناک کھیل کھیلنے کی تیاری شروع کر دی،امریکی ٹی وی نے دعویٰ کیا ہے کہ امریکی سی آئی اے کردوں کو ایران میں بغاوت کے لیے تیار کر رہی ہے،اس سے متعلق امریکی نشریاتی ادارے کا کہنا ہے کہ ایرانی کرد مغربی ایران میں شورش کریں گے۔ جبکہ اسرائیل اور امریکا کے ایران پر حملے جاری ہیں، تہران کے مشہور آزادی اسکوائر پر موجود شہریوں پر امریکا اور اسرائیل کی جانب سے بمباری کی گئی۔