لبنان میں اسرائیلی فضائی حملوں کا سلسلہ جاری ہے جس کے نتیجے میں شہادتوں کی تعداد ایک سو تئیس تک پہنچ گئی جبکہ سینکڑوں افراد زخمی ہوگئے۔ لبنانی وزارت صحت کے مطابق اسرائیلی بمباری کے باعث اب تک ایک سو تئیس افراد جاں بحق اور چھ سو تراسی زخمی ہو چکے ہیں۔ سرکاری خبر رساں ایجنسی کے مطابق اسرائیلی طیاروں نے رات کے وقت جنوبی لبنان کے کئی قصبوں پر شدید فضائی حملے کیے جن میں بیروت کے جنوبی مضافاتی علاقے بھی شامل ہیں۔ رپورٹس کے مطابق اسرائیلی فضائیہ نے جنوبی علاقوں کے ساتھ مشرقی لبنان کے شہر دورس کو بھی نشانہ بنایا جس کے بعد کئی علاقوں میں خوف و ہراس پھیل گیا اور ہزاروں افراد اپنے گھر چھوڑنے پر مجبور ہوگئے۔