پاکستان سمیت متعدد مسلم ممالک نے مسجد اقصیٰ میں اسرائیلی وزیر برائے قومی سلامتی اتمار بن گویر کے داخلے کی شدید مذمت کی ہے۔ اسرائیلی وزیر برائے قومی سلامتی نے فوجیوں کے ساتھ مسجد کے احاطے میں داخل ہو کر صحنوں کا دورہ کیا۔ دفتر خارجہ پاکستان کے مطابق یہ اقدام مسجد کی حرمت اور تاریخی حیثیت پر براہ راست حملہ ہے، جو بین الاقوامی قوانین کی کھلی خلاف ورزی ہے۔ پاکستانی دفتر خارجہ کا مزید کہنا تھا کہ اسرائیلی حکام کی جانب سے مسجد اقصیٰ کی مذہبی اور قانونی حیثیت کو تبدیل کرنے کی تمام کوششیں ناقابل قبول ہیں۔ دوسری جانب ترکیہ، قطر اور اردن نے بھی اس اقدام کو اشتعال انگیزی اور عالمی قوانین کی خلاف ورزی قرار دیا ہے۔