حکومت نے پیٹرول اور ڈیزل کی قیمت میں پھر اضافہ کردیا ۔ مٹی کے تیل کی قیمت میں 4روپے فی لٹرکمی کر دی گئی پیٹرولیم ڈویژن سے جاری نوٹیفکیشن میں بتایا گیا ہے کہ حکومت نے پیٹرولیم مصنوعات کی قیمتوں میں ردوبدل کردیا۔نوٹیفکیشن کے مطابق ہائی اسپیڈ ڈیزل کی قیمت میں 19 روپے 39 پیسے فی لیٹر اضافہ کردیا گیا جس کے بعد ہائی اسپیڈ ڈیزل کی نئی قیمت 399 روپے 58 پیسے مقرر کردی ۔پیٹرول کی قیمت فی لیٹر 6 روپے 51 پیسے کے اضافے کے بعد 399 روپے 86 پیسے فی لیٹر ہوگئی۔ حکومت نے پیٹرول اور ہائی اسپیڈ ڈیزل کے بعد لائٹ ڈیزل بھی مہنگا کردیا، جبکہ مٹی کے تیل کی قیمت میں کمی کی ہے۔اوگرا نوٹی فکیشن کے مطابق مٹی کا تیل4روپے 45 پیسے فی لٹر سستا کردیا گیا جس کے بعد مٹی کے تیل کی نئی قیمت 360 روپے 76 پیسے فی لٹر مقرر کی گئی۔حکومت نے لائٹ ڈیزل17 روپے 3 پیسے فی لیٹر مہنگا کر دیا۔ نئی قیمت 287 روپے 54 پیسے فی لیٹر مقرر کی گئی۔