پنجاب بھر کے سکول 22 مئی بروز جمعہ سے 23 اگست تک بند رہیں گے ۔پنجاب کے سکولوں میں موسمِ گرما کی تعطیلات کا اعلان کر دیا گیا ۔ تدریسی عمل 24 اگست بروز پیر سے دوبارہ شروع ہوگا۔صوبائی وزیر تعلیم رانا سکندر حیات نے اپنے سوشل میڈیا اکاوئٹ فیس بک پر موسمِ گرما کی تعطیلات کا اعلان کیا ۔ محکمہ تعلیم کا کہنا ہے کہ شدید گرمی اور ہیٹ ویو کے خدشات کے باعث طلبہ اور اساتذہ کی صحت و سلامتی کو مدنظر رکھتے ہوئے یہ فیصلہ کیا گیا ہے۔