پاکستانی اداکارہ علیزے شاہ نے شوبز انڈسٹری میں مقبول شارٹ ہیئر کٹ ٹرینڈ پر طنز کرتے ہوئے سوشل میڈیا پر ایک نئی بحث چھیڑ دی ہے۔

اپنی انسٹاگرام اسٹوری میں اداکارہ نے لکھا ہے کہ لوگ اداکاراؤں سے متاثر ہو کر اپنے بال کاٹنے کا فیصلہ نہ کریں کیونکہ زیادہ تر اداکارائیں وِگز یا ہیئر اسٹائلنگ کے ذریعے شارٹ لک اپناتی ہیں۔

ان کے مطابق بعض افراد کے لیے بال دوبارہ لمبے کرنا کافی وقت طلب عمل ہوتا ہے اس لیے اس طرح کے فیصلے سوچ سمجھ کر کرنے چاہییں۔