پاکستان پیپلز پارٹی نے بجٹ اجلاس سے بائیکاٹ کا فیصلہ کیا ہے۔

ذرائع کے مطابق پاکستان پیپلز پارٹی بجٹ اجلاس سے واک آؤٹ کر گئی ہے تاہم اجلاس میں پی پی کی جانب سے نمائندگی نوید قمر کریں گے جبکہ باقی ارکان اجلاس میں شرکت نہیں کریں گے۔

پی پی پی ارکان پوسٹرز لیکر ایوان میں پہنچ گئے ہیں شازیہ مری اور دیگر نے سندھ کو پانی دو کے پلے کارڈز اٹھا رکھے ہیں سندھ کے ارکان پانی دو پانی دو کے نعرے لگا رہے ہیں۔

ترجمان پیپلزپارٹی کا کہنا ہے کہ پیپلزپارٹی نےبجٹ اجلاس کےبائیکاٹ کافیصلہ نہیں کیا چیئرمین بلاول بھٹو بجٹ اجلاس میں شریک نہیں ہوں گے تاہم پی پی کےکچھ اراکین بجٹ اجلاس میں شریک ہوں گے قومی مفاد کےتحت پیپلزپارٹی بجٹ پراسس کا حصہ ہوگی۔

پی پی پی ارکان کی اکثریت ایوان سے باہر چلی گئی ہے انہوں نے کچھ دیر سندھ کو پانی دو کے نعرے لگائے اور ایوان سے چلے گئے جبکہ پی پی پی ارکان اعجاز جاکھرانی اور قادر پٹیل سپیکر آفس چلے گئے۔

واضح رہے کہ اسلام آباد قومی اسمبلی میں اس وقت بجٹ اجلاس جاری ہے جس میں آج بجٹ 2026-2027 پیش کیا جانا ہے۔