Does 64-year-old Anil Kapoor really drink the blood of the poisonous Ja Noor to stay young? Sensational revelation - Video Viral
اداکار انیل کپور نے بالی وڈ پر تین دہائیوں تک را ج کیا۔وہ آج بھی اتنے ہی فٹ دکھائی دیتے ہیں جتناکہ آج سے 30برس قبل تھے۔انہوں نے سیکڑوں بھارتی فلموں میں اپنی اداکاری کے جوہر دکھائے ۔ ان کی عمر 64 سال ہے اس کے باوجود وہ جوان دکھتے ہیں۔اب ایک حیرت انگیز انکشاف ہو اہے۔
تفصیلات کے مطابق اداکار انیل کپور پر جوان رہنے کے لیے سانپ کا خون پینے کا الزام عائد کیا گیا ہے۔اداکار ارباز خان نے اپنے شو ’پنچ‘ میں انیل کپور کو مدعو کیا جہاں انہوں نے متعدد سوالات کے جواب دئیے۔
ارباز خان نے انیل کپور کو لوگوں کی رائے سے آگاہ کیا جن کا کہنا تھا کہ انیل کپور خود کو جوان رکھنے کے لیے پلاسٹک سرجری کرواتے اور سانپ کا خون پیتے ہیں۔ لوگوں کی رائے سننے کے بعد اداکار نے قہقہہ لگاتے ہوئے ازراہ مذاق میزبان سے پوچھا کہ یہ حقیقت ہے یا لوگوں کو آپ نے پیسے دے رکھے ہیں؟ ارباز خان نے ہنستے ہوئے کہا کہ یہ عام لوگ ہیں، میں نے کسی کو پیسے نہیں دیے۔