پارٹی میں میری بے عزتی ہوئی۔۔بھارتی پنجاب کے وزیراعلیٰ نے استعفا دے دیا
بھارتی پنجاب کے وزیر اعلیٰ کیپٹن امریندر سنگھ نے اپنے عہدہ سے استعفا دیدیا ہے ۔انہوں نے گورنر سے ملاقات کی اور استعفا پیش کیا ۔ تفصیلات کے مطابق گورنر کو استعفا پیش کرنے کے بعد راج بھون کے باہر میڈیا سے گفتگو کرتے ہوئے کیپٹن امریندر سنگھ نے کہا کہ گزشتہ کچھ دنوں میں تیسری مرتبہ یہ ہوا ہے کہ پارٹی میں میری بے عزتی ہوئی ۔ کیپٹن نے کہا کہ میں نے آج صبح ہی فیصلہ کرلیا تھا ۔ اس سلسلہ میں پارٹی کی سربراہ سونیا گاندھی کو بھی بتا دیا تھا ۔ میرے ساتھ یہ تیسری مرتبہ ہورہا ہے ، میں یہاں ہوملیٹڈ محسوس کررہا ہوں ، اب انہیں جس پر بھروسہ ہوگا وہ اس کو وزیر اعلیٰ بنا لیں گے ۔