امن مشن کے عنوان سے فوجی مشقوں کا آغاز
ایس سی او کے پلیٹ فارم کے تحت امن مشن کے عنوان سےفوجی مشقوں کا آغاز ہو گیا۔

آئی ایس پی آر کے مطابق مشقوں کے لیے روس کےعلاقےاورن برگ میں ڈونگز تربیتی ایریا میں افتتاحی تقریب ‏منعقد کی گئی۔

روسی مسلح افواج کےکمانڈرکرنل جنرل الیگزینڈرپاولوسچ مہمان خصوصی تھے شنگھائی تعاون تنظیم کےتمام رکن ‏ممالک کےفوجی دستےمشقوں میں شریک ہیں۔

دوسری جانب آذربائیجان میں کثیرالملکی فوجی مشقیں اختتام پذیر ہو گئیں۔ 3بھائیوں کےعنوان سےمشقوں میں ‏پاکستان، ترکی، آذربائیجان نے شرکت کی۔
‏
مشقوں میں انسداددہشتگردی، خطرات، ہائبرڈ صورتحال کی ڈرلز کی گئیں۔ 2ہفتےجاری رہنےوالی مشقوں میں ‏کمبائنڈ آپریشنز کیے گئے۔

اختتامی تقریب میں آذربائیجان کے وزیردفاع ذاکرحسنوف مہمان خصوصی تھے جب کہ پاکستان سےمیجرجنرل ‏ممتاز حسین نےنمائندگی کی۔ تقریب میں مختلف ہتھیاروں سےفائرنگ کامظاہرہ کیاگیا۔ ‏

ڈرون، ہیلی کاپٹر اور چھوٹے ہتھیاروں کے استعمال کا بھی مظاہرہ کیاگیا مشقوں میں سمندری آپریشن اورفضائی ‏پہلو بھی شامل تھے۔