پاکستان تحریک انصاف کے وائس چیئرمین شاہ محمود قریشی کو اسلام آباد سے گرفتار کرلیا گیا۔پولیس نے شاہ محمود قریشی کو گلگت ہائوس سے رات گئے 3 ایم پی او کے تحت گرفتار کرکے نامعلوم مقام پر منتقل کردیا ، پی ٹی آئی رہنما پر جلائو گھیرائو اور ہنگامہ آرائی کے مقدمات ہیں۔گرفتاری سے قبل اپنے ویڈیو بیان میں شاہ محمود قریشی نے کہا کہ یہ تحریک حقیقی آزادی کی تحریک ہے، ہم سب نے مل کر اس میں حصہ ڈالا ہے۔انہوں نے کہا کہ عمران خان نے مجھے ذمہ داری سونپی تھی، اس ذمہ داری کو نبھانے کی کوشش کررہا تھا اور کی ہے، مجھے مزید مہلت نہیں ملتی تو یہ پیغام دے کر جانا چاہتا ہوں کہ حقیقی آزادی کی جدوجہد جاری رہنی چاہئے۔پی ٹی آئی رہنما نے کہا کہ عمران خان کی آزادی تک آپ اپنی جستجو میں گامزن رہیں۔