سندھی ڈراموں کی نامور اداکارہ شبیراں چنہ انتقال کرگئی ہیں، وہ چند روز قبل ٹریفک حادثے میں زخمی ہوگئی تھیں اور کئی روز سے ہسپتال میں زیر علاج تھیں۔اداکارہ کے انتقال کی خبر تصدیق دیہی خواتین کو بااختیار بنانے والے ادارے کے سی ای او خالد حسین نے ٹوئٹر اکاؤنٹ کے ذریعے کی گئی۔ ڈان نیوز کے مطابق شبیراں چنہ سندھی ڈراموں کی اداکارہ تھیں اور وہ پی ٹی وی کے ڈراموں میں بھی اپنا نام بنا چکی ہیں۔تفصیلات کے مطابق اداکارہ شبیراں چنہ کی گاڑی کو 24 اپریل کو نوابشاہ کی تحصیل قاضی احمد کے قریب حادثہ پیش آیا تھا۔حادثے کی اطلاع ملنے پر ریسکیو اہلکاروں نے زخمیوں کو قریبی ہسپتال منتقل کیا تھا۔کئی روز تک اداکارہ کا ہسپتال میں علاج جاری تھا تاہم آج وہ جان کی بازی ہار گئیں۔