ممبئی: بھارتی کپتان ویرات کوہلی کے مداحوں کو یہ جان کر حیرت ہوگی کہ ان کے پسندیدہ کرکٹر نے آج تک کالج کی شکل نہیں دیکھی وہ صرف بارہویں پاس ہیں لیکن اسکول میں ان کا شمار بہترین طالبعلموں میں ہوتا تھا۔

برصغیر میں عموماً شادی کے لیے لڑکے اور لڑکی کی بہت ساری خوبیوں کے ساتھ ان کی تعلیم کوبھی مدنظر رکھاجاتا ہے اور پڑھی لڑکی یا لڑکے کے لیے تعلیم یافتہ شریک حیات کو ترجیح دی جاتی ہے۔ لیکن اکثر اوقات پسند اورمحبت کی شادی کرتے وقت لڑکا اور لڑکی تعلیم کو اہمیت نہیں دیتے۔ حال ہی میں زندگی کی نئی اننگز شروع کرنے والے بھارتی کرکٹرویرات کوہلی اورنامور بالی ووڈ اداکارہ انوشکا شرما کے ساتھ بھی کچھ ایسا ہی ہوا۔