حمزہ شہباز نے تحریک انصاف کو ناکوں چنے چبوا دیئے ،پی ٹی آئی کے امیدوار کو اتنے ہزار ووٹوں سے شکست دے دی کہ سابق وزیر اعلیٰ پنجاب بھی خوشی سے پھولے نہ سمائیں گے
لاہور(ڈیلی پاکستان آن لائن)لاہور سے مسلم لیگ ن کے لئے بڑی خوشخبری آ گئی ، شہباز شریف کے صاحبزادے اور سابق ممبر قومی اسمبلی نے اپنی سیٹ کا دفاع کرتے ہوئے تحریک انصاف کے امیدوار کو عبرتناک شکست دے دی ہے ۔

غیر حتمی و غیر سرکاری نتائج کے مطابق قومی اسمبلی کے حلقہ این اے 124 لاہور سے مسلم لیگ (ن) کے امیدوار حمزہ شہباز ایک لاکھ 39 ہزار 443 ووٹ لے کر کامیاب قرار پائے جب کہ تحریک انصاف کے نعمان قیصر 69 ہزار 251 ووٹ حاصل کرسکے۔حلقہ این اے 124 میں پاکستان مسلم لیگ (ن) کے حمزہ شہباز شریف ، تحریک انصاف کے نعمان قیصر اور پیپلز پارٹی کے چوہدری ظہیر احمد خان سمیت دیگر امیدوار میدان میں تھے ،یہ پرانا حلقہ این اے 119 ہے جہاں سے میاں نواز شریف اور شہباز شریف نشست جیتتے رہے ہیں جبکہ حمزہ شہباز نے سال 2008ء اور 2013ء کے عام انتخابات میں بھی اسی حلقہ سے حصہ لیا تھا اور کامیابی حاصل کی تھی ۔