چین ،پل گرنے سے8 افراد ہلاک
ہینگ ژو(آئی این پی )مشرقی چینی صوبے ژی جیانگ میں ایک لاؤنج پل گرنے کے باعث8 افراد ہلاک اور3 زخمی ہوگئے۔

غیرملکی میڈیا کے مطابق ہینگ ژو سٹی کی ٹانگ لوکاؤنٹی کے گاؤں لانگ جان کے لاؤنج پل کا اوپر کا حصہ گر گیا جس کے باعث 8افراد ہلاک اور 3زخمی ہوگئے۔اطلاع ملنے پر ریسکیو ٹیمیں موقع پر پہنچیں جنہوں نے زخمیوں کو فوری طور پر ہسپتال منتقل کیا ۔بتایا جاتا ہے کہ طوفانی موسم کے باعث یہ حادثہ پیش آیا یہ افراد بارش کے باعث پل کے نیچے پناہ لیے ہوئے تھے کہ پل اچانک گر گیا، تاہم حادثے کی تحقیقات جاری ہے۔