پنجاب میں حکومت سازی، مسلم لیگ ن اورپیپلزپارٹی کے رہنماوں میں ملاقات متوقع
لاہور(ڈیلی پاکستان آن لائن)پنجاب میں حکومت سازی کے لئے مسلم لیگ (ن)نے بھی سیاسی رابطے تیز کر دیئے ہیں اسی سلسلہ میں مسلم لیگ ن اورپیپلزپارٹی کے رہنماؤں میں آج ملاقات متوقع ہے ۔

نجی ٹی وی چینل کا ذرائع کے حوالے سے کہنا تھا کہ مسلم لیگ ن کاوفدپیپلزپارٹی کے خورشیدشاہ سے ملاقات کرے گا جس میں پنجاب میں حکومت سازی اورسیاسی لائحہ عمل پربات چیت ہوگی جبکہ ن لیگ کے وفدمیں ایازصادق،شاہدخاقان عباسی،مشاہدحسین اورسعدرفیق شامل ہیں۔

واضح رہے کہ مسلم لیگ ن پنجاب میں 129نشستوں کے ساتھ سرفہرست ہے جبکہ تحریک انصاف 123نشستوں پر کامیابی حاصل کر سکی ہے۔