نوازشریف کی طبیعت ناساز، پمز ہسپتال منتقل کرنے کا فیصلہ
راولپنڈی۔ سابق وزیراعظم نوازشریف کی اڈیالہ جیل میں طبیعت ناساز ہونے پر ڈاکٹروں‌ نے ہسپتال منتقلی کی تجویز دی ہے۔ نگران حکومت نےڈاکٹرز سے رپورٹ ملنے کے بعد پمز ہسپتال بھجوانے کا فیصلہ کر لیا ۔

منی لانڈرنگ کیس میں سزایافتہ نوازشریف کی طبیعت خراب ہونے پر ڈاکٹروں نے آئی سی یو منتقلی کی تجویز دے دی۔ بتایا گیا ہے کہ نوازشریف کے بازو اور سینے میں تکلیف ہے، بلڈ ٹیسٹ میں بھی کلاٹس کی نشاندہی ہوئی۔ آئی جی جیل خانہ جات نے اس سلسلے میں ایڈیشنل چیف سیکرٹری داخلہ نسیم نواز سے رابطہ کیا۔ اور نگراں وزیراعلیٰ کو رپورٹ ارسال کی۔

نگران وزیر داخلہ شوکت سلطان نے کہا ہے کہ ڈاکٹروں کی سفارش پر نوازشریف کو پمز ہسپتال منتقل کرنے کا فیصلہ کیا۔ انھوں نے کہا کہ ڈاکٹروں کے مطابق نوازشریف کی ای سی جی ٹھیک نہیں آئی۔

ایگزیکٹو ڈائریکٹر پمز کا کہنا ہے کہ نوازشریف کی ہسپتال منتقلی کا فیصلہ میڈیکل بورڈ کرے گا اور نوازشریف کا طبی معائنہ کرنے کیلئے میڈیکل بورڈ اڈیالہ جیل پہنچ گیا ہے۔ انھوں نے مزید کہا کہ پمز ہسپتال کا فرسٹ فلور خالی کروا لیا گیا ہے اور ڈاکٹر سمیت طبی عملےکوالرٹ کردیا گیا ہے :۔