می ٹو میں ہوشربا اضافہ : ایک رات میں لاہور کے مشہور ہوٹل میں ٹہری تو رات کے دو بجے ایک شخص ۔۔۔۔۔ اداکارہ حمیمہ ملک نے بھی اپنے سینے میں دفن تہلکہ خیز راز فاش کر دیا
لاہور(ویب ڈسیک)اداکارہ حمیمہ ملک نے انکشاف کیا ہے کہ انہیں لاہور کے ایک ہوٹل میں قیام کے دوران ہراساں کیا گیا۔حمیمہ ملک نے بتایا کہ ہراساں کرنے والے شخص نے رات کے 2 بجے بزنس میٹنگ کی آڑ میں مجھے ملاقات کا پیغام بھیجا۔حمیمہ کے جواب نہ دینے پر اس شخص نے ان سے ہمدردی جتائی اور کہا

کہ انہوں نے حمیمہ کو کمرے میں روتے ہوئے سنا تو فکرمند ہوگئے، وہ چاہیں تو ان کے ساتھ باہر جاسکتی ہیں۔حمیمہ نے اپنے انسٹاگرام پیغام کے ذریعے کہا کہ خبردار ہوٹل میں قیام کے دوران اگر آپ کو اپنے کسی عزیز کی موت کی خبر ملے تو آپ اپنے کمرے میں رو بھی نہیں سکتے کہ کہیں لوگ کمرے کے دروازے پر اپنے بزنس کارڈ نہ چھوڑ جائیں۔حمیمہ نے اپنے انسٹاگرام پر ہراساں کرنے والے شخص کے مکالمے بھی شئیر کئے۔میڈیا رپورٹس کے مطابق حمیمہ ملک نے انکشاف کیا ہے کہ مجھے گزشتہ 4 ماہ سے سائبربلنگ کے ذریعے ہراساں کیا جارہا ہےلیکن اب میں نے فیصلہ کرلیا ہے کہ اس کے خلاف آوازبلند کروں گی۔ حمیمہ کا کہنا ہے کہ ایسے مسائل پر بات نہ کرنے سے ایک دن انہیں جھیلنے والی کی اواز ہی خاموش ہو جاتی ہے۔شوبز کی دنیا میں 17 سال سے موجود حمیمہ ملک نے بتایا کہ انہیں گزشتہ 4 ماہ سے دھمکیاں دی جا رہی ہیں اور اب وقت آ گیا ہے کہ ایسا کرنے والوں کے نام پبلک کردیے جائیں۔ دھمکیوں کے باعث میں سخت ذہنی تناؤکا شکارہوں لیکن اب مزید برداشت نہیں کروں گی۔انہوں نے کہا کہ میں جانتی ہوں کہ سوسائٹی،شوبز انڈسٹری ، میرے خاندان اورخود اپنے لیےمیری کیا ذمہ داریاں ہیں ، میں اب مزید خاموش نہیں رہوں گی۔واضح رہے کہ معاشرے میں سوشل نیٹ ورکنگ سائٹس اورموبائل پر بھیجے جانے والے قابل اعتراض پیغامات کے ذریعے خواتین کو ہراساں کیے جانے کے واقعات میں دن بدن اضافہ ہو رہا ہے حتیٰ کہ اب معروف شخصیات بھی اس سے محفوظ نہیں۔(ش،ز،خ)