وزیراعظم کے سیکرٹری سہیل عامر کو عہدے سے ہٹا دیا گیا
اسلام آباد (ڈیلی پاکستان آن لائن )پاکستان تحریک انصاف کے چیئرمین عمران خان کے وزیراعظم کے حلف اٹھانے کے فوری بعد اہم ترین تبدیلی کر دی گئی ہے ۔

تفصیلات کے مطابق وزیراعظم کے سیکرٹری سہیل عام کو عہدے سے ہٹاتے ہوئے محمد اعظم کو نیا سیکرٹری مقرر کر دیا گیاہے جبکہ سہیل عامر کو اسٹبلشمنٹ ڈویژن رپورٹ کرنے کی ہدایات جاری کر دی گئیں ہیں ۔کیبنٹ ڈویژن نے عمران خان کے وزیراعظم کے حلف اٹھانے کے بعد نوٹیفکیشن بھی جاری کر دیاہے۔واضح رہے کہ اس سے قبل محمد اعظم ایڈیشنل سیکرٹری انچارج سیفران تعینات تھے جبکہ وہ سیکرٹری کے پی کے فرائض بھی انجام دے چکے ہیں۔

یہاں یہ امر بھی قابل ذکر ہے کہ عمران خان کی حلف برداری کی تقریب میں شیخ رشید اور عون چوہدری نے شرکت نہیں کی ہے تاہم باضابطہ طور پر دونوں شخصیات کی عدم موجودگی کی وجوہات تاحال جاری نہیں کی گئی ہیں۔