پی ٹی آئی حکومت کو بدنام کرنے کی کوششیں، (ن) لیگ کی ناقابل یقین حکمت عملی سامنے آ گئی
لاہور (ویب ڈیسک) مسلم لیگ ن نے تحریک انصاف کی حکومت کو بدنام کرنے اور عوام میں ان کے خلاف نفرت پیدا کرنے کیلئے اپنے پلان پر کام شروع کر دیا ،پنجاب بھر میں ن لیگ کے چیئرمینوں کو زبانی ہدایات دی گئی ہیں کہ عید الاضحٰی پر صفائی کے انتظامات میں حصہ نہیں لینا اور،

گندگی پھیلنے پر اپنے کارکنوں کے ذریعے پراپیگنڈہ کرنا ہے کہ یہ تبدیلی ہے ؟۔ با وثوق ذرائع کے مطابق ن لیگ نے اپنی وفادار بیوروکریسی کے ذریعے بھی یہ کام شروع کرا دیا اور اسی لیئے جگہ جگہ قائم غیر قانونی بکر منڈیوں کے خلاف ٹاؤن،تحصیل اور ضلعی سطح پر کوئی کارروائی نہیں ہوئی۔یہ پلاننگ کی گئی ہے کہ عید کے تینوں روز قربانی کے جانوروں کی اوجڑیاں، چارہ اور دیگرآلائشیں اٹھا کرتلف نہ کی جائیں۔ لیگی چیئرمینوں کو ہدایت کی گئی ہے کہ وہ صفائی کے حوالے سے کوئی اجلاس بلوائیں نہ ہی کسی قسم کا تعاون کریں،کوئی مسئلہ لے کر آئے تو کہا جائے کہ تحریک انصاف کی حکومت نے ترقیاتی کام بند کرا دیئے ہیں۔ جبکہ دوسری جانب وزیراعظم پاکستان عمران خان کے قوم سے پہلے خطاب پر پاکستان پیپلز پارٹی نے شدید تنقید کی ہے۔پیپلز پارٹی کے رہنما اور سندھ کے صوبائی وزیر سعید غنی نے اپنے رد عمل میں کہا کہ عمران خان کے خطاب میں پرویز مشرف کے 5 نکاتی ایجنڈے کے سوا کچھ نیا نہیں تھا۔سعیدغنی نے کہا کہ دہشت گردی اور شدت پسندی جیسے معاملات پرعمران خان ساکن رہے، 70 ہزار پاکستانیوں کے قاتلوں کے خلاف وزیراعظم ایک لفظ نہ بولے۔ (س)