عمران خان کی اپیل کے بعد برطانیہ کی مساجد میں کیا کام شروع ہو گیا؟ ہر پاکستانی کا سر فخر سے بلند کر دینے والی خبر آ گئی
لندن (ویب ڈیسک) وزیراعظم عمران خان کی جانب سے اوورسیز پاکستانیوں سے ڈیم فنڈ میں رقوم جمع کرانے کی خصوصی اپیل کے بعد برطانیہ کی مساجد میں اعلانات شروع ہوگئے ہیں اور تمام مساجدوں کی انتظامیہ نے ہر جمعہ کو ڈیم فنڈ اکٹھا کرنے کا اعلان کر دیا ہے۔گزشتہ روز وزیراعظم پاکستان عمران خان نے اوورسیز

پاکستانیوں سے اپیل کی کہ نئے ڈیمز بنانے ہیں اور معاشی حالات بہتر کرنے کیلئے اس لئے وہ دل کھول کر عطیات دیں۔ وزیراعظم کے اعلان کے باعث برطانیہ کے شہر ملٹن میں ایک مسجد کے امام نے ناصرف اعلانا کیا بلکہ اگلے جمعہ کو بھی کمیونٹی سے عطیات اکٹھے کرنے کا کہا ہے۔مسجد کے امام نے میڈیا سے گفتگو کرتے ہوئے بتایا کہ خان صاحب نے اعلان کیا تو ہم نے جمعہ کی نماز کے وقت لوگوں سے اپیل کی کہ وہ اس کارخیر میں بڑھ چڑھ کر حصہ لیں۔ انہوں نے کہا کہ وزیراعظم کی اپیل کے بعد برطانیہ کی تمام مساجدوں میں ہر جمعہ کے روز فنڈز جمع کئے جائیں گے۔جبکہ دوسری جانب ایک خبر کے مطابق وزیراعظم عمران خان کی اپیل کے بعد وزیراعظم و چیف جسٹس ڈیم فنڈز میں مختلف اداروں اور شخصیا ت نے تیزی سے فنڈز جمع کروانے شروع کردیئے، چیئرمین بحریہ ٹاؤن ملک ریاض نے ڈیمز فنڈ میں5کروڑ روپے دینے کا اعلان کرتے ہوئے وزیراعظم پاکستان کو ڈونرز کانفرنس بلانے کی تجویز دی اور کہا کہ تمام پاکستانی ڈیمز فنڈ میں بڑھ چڑھ کر حصہ لیں، پاکستان کو ایک نہیں کئی ڈیمز کی ضرورت ہے۔جمعہ کو چیئرمین بحریہ ٹاؤن ملک ریاض نے ڈیمز کے فنڈ کیلئے 5کروڑ روپے دینے کا اعلان کیا۔ اس موقع پر انہوں نے کہا کہ تمام پاکستانی ڈیم فنڈ میں بڑھ چڑھ کر حصہ ڈالیں۔ وزیراعظم عمران خان کو ڈونرز کانفرنس میں کاروباری شخصیات کو بلایا جائے ۔ رقم دینے والوں کو یقین رکھنا چاہیے کہ پیسہ ڈیمز کیلئے استعمال ہوگا۔ پاکستان کو ایک نہیں کئی ڈیمز کی ضرورت ہے۔(ش،ز،خ)