فواد چوہدری کے خلاف اندراج مقدمہ کی درخواست ۔۔۔۔۔اسلام آباد کی عدالت سے بریکنگ نیوز آ گئی
اسلام آباد (ویب ڈٰیسک) ڈسٹرکٹ اینڈ سیشن جج اسلام آباد راجہ آصف محمود نے وفاقی وزیر اطلاعات و نشریات فواد چوہدری کے خلاف مسلمانوں کو شدت پسند کہنے اور قادیانیوں کا دفاع کرنے کے الزام میں مقدمہ کے اندراج کے لئے دائر درخواست پر پولیس سے رپورٹ طلب کرتے ہوئے سماعت 14ستمبر تک ملتوی کر دی ہے۔
منگل کو عدالت نے ڈسٹرکٹ بار ایسوسی اسلام آباد کے وکیل ضیااللہ گوندل کی جانب سے مقدمہ کے اندراج کے لئے 22اے کے تحت دائر درخواست کی سماعت کی ۔اس موقع پر درخواست گزار ضیا اللہ گوندل عدالت میں پیش ہوئے اور موقف اختیار کیا کہ وفاقی وزیر اطلاعات و نشریات فواد چوہدری کے خلاف مقدمہ کے اندراج کے لئے تھانہ رمنا پولیس کو درخواست دائر کی جس پر پولیس نے موقف اخیتار کیا کہ وہ اس ضمن میں کچھ نہیں کر سکتے جس کے بعد ایس ایس پی آپریشن اسلام آباد پولیس کو درخواست جمع کرائی تاہم تاحال اس پر بھی کوئی کاروائی عمل میں نہیں لائی گئی جبکہ ہماری عدالت سے استدعا ہے کہ فواد احمد چوہدری کے خلاف مقدمہ درج کرنے کا حکم دیا جائے جس پر عدالت نے پولیس سے روپرٹ طلب کرتے ہوئے سماعت 14ستمبر تک ملتوی کر دی۔دائر درخواست میں ایس ایس پی آپریشن اسلام آباد پولیس کو فریق بنایا گیا ہے۔واضح رہے کہ ضیا گوندل کی جانب سے “فواد حسین چوہدری” کے مسلمانوں کو شدت پسند کہنے اور قادیانیوں کا دفاع کرنے کے خلاف اسلام آباد میں سیشن جج کی عدالت میں مقدمہ کے اندراج کے لئے پٹیشن دائر کر کی گئی تھی۔(ش،ز،خ)