بریکنگ نیوز: پی ٹی آئی حکومت نے علامہ خادم رضوی پر پابندی عائد کردی
اسلام آباد (ویب ڈیسک) تحریک انصاف کی وفاقی حکومت نے عاشورہ محرم میں قیام امن کو یقینی بنانے اور کسی بھی قسم کے ناخوشگوار واقعے سے بچنے کےلئے اقدامات کو تیز کرنے کا فیصلہ کر لیا ہے اور اسی ضمن میں علامہ خارم رضوی سمیت کئی اہم مذہبی شخصیات کے اسلام آباد داخل ہونے پر پابندی عائد کر دی گئی ہے۔

تفصیلات کے مطابق علامہ خادم رضوی سمیت مختلف مکاتب فکر کے 26علما کرام پر پابندی عائد کردی گئی ہے۔ محرم الحرام کے آغاز پر امن و امان کی صورتحال برقرار رکھنے کیلئے مولوی عبدالعزیز، امین شہیدی، علامہ ناصر عباس اور خادم حسین رضوی سمیت دیگر کو وفاقی دارالحکومت میں داخلے یا تقریر کرنے کی اجازت نہیں ہوگی.