امریکہ سے افسوسناک خبر : مسلح شخص نے اپنی بیوی سمیت 5 افراد کو قتل کر دیا ، وجہ کیا بنی ؟
کیلیفورنیا (ویب ڈیسک ) کیلیفورنیا کے شہر بیکرز فیلڈ میں مسلح شخص نے اپنی اہلیہ سمیت پانچ افراد کو قتل کرکے خود کشی کرلی۔ امریکی میڈیا کے مطابق بیکرز فیلڈ میں مشکوک شخص نے مارکیٹ میں پہلے اپنی بیوی اور ایک شخص کو فائرنگ کا نشانہ بنایا۔پھر اس نے واقعہ کے ایک عینی شاہد
پر فائرنگ کی اس کے بعد مسلح شخص نے گاڑی اغوا کرکے گھر میں موجود دو افراد کو بھی قتل کیا اور پھر پولیس کا سامنا ہونے پر خود کو گولی مار لی۔پولیس نے حملہ آور کی شناخت ظاہر نہیں کی۔مقامی حکام کے مطابق یہ گھریلو تشدد کا واقعہ ہے۔ انہوں نے کہا فائرنگ کے ان واقعات میں کوئی اور ملزم ملوث نہیں۔ ملزم اپنی بیوی کے ساتھ ٹرکوں کا کاروبار کرنے والے تاجر کے پاس آیا تھا کہ اچانک فائرنگ کردی۔ بیکرز فیلڈ کی پولیس نے حملے کو اجتماعی قتل کی واردات قرار دے کر اسے غیرمعمولی واقعہ قرار دیا ہے۔ پولیس نے واقعہ کی تحقیقات شروع کردی ہے۔(ز،ط)