آسٹریلیا کیخلاف ٹیسٹ سکواڈ کا اعلان ، سرفراز احمد کو کپتانی سے ہٹا دیا گیا ؟ بڑی خبر آ گئی
لاہور (ویب ڈیسک)پاکستان کرکٹ بورڈ نے آسٹریلیا کے خلاف 17رکنی ٹیسٹ سکواڈ کا اعلان کر دیاہے جس میں قومی ٹیم کے کپتان سرفراز احمد کے علاوہ ایک اور کیپر محمد رضوان کو شامل کر لیاگیاہے جس کے باعث کپتان پر پریشر آنے کا بھی امکان ہے تاہم انہیں کپتان برقرار رکھا گیاہے۔
تفصیلات کے مطابق قومی ٹیم کے باولر محمد عامر ایشیا کپ میں قابل قبول کارکردگی دکھانے میں کامیاب نہیں ہوپائے جس کے باعث انہیں آسٹریلیا کے خلاف ٹیسٹ سکواڈ سے باہر کر دیا گیاہے ۔ 17 رکنی سکواڈ میں سابق کپتان اظہر علی ، اوپننگ بیٹسمین فخرزمان، امام الحق اور بابراعظم شامل ہیں جبکہ ان کے علاوہ اسد شفیق ، حارث سہیل ، عثمان صلاالدین ، یاسر شاہ ، شاداب خان ، بلال اآصف ، محمد عباس ، حسن علی ، وہاب ریاض ،فہیم اشرف ، اور میر حمزہ سکواڈ کا حصہ ہو ں گے ۔پاکستان اور آسٹریلیا کے درمیان پہلا ٹیسٹ میچ 7 اکتوبر کو شروع ہو گا جبکہ دوسرا ٹیسٹ16 اکتوبر کو کھیلا جائے گا ۔
واضح رہے کہ ایشیا کپ میں پاکستانی ٹیم کی کارکردگی مایوس کن رہی ہے اور گزشتہ رز بنگلہ دیش نے پاکستان کو 37 سکور سے شکست دے کر ٹورنامنٹ سے باہر کر دیا تھا جس کے بعد قومی ٹیم کے کپتان سرفراز نے کھلاڑیوں کی مایوس کن کارکردگی کی ذمہ داری خود پر لی تھی ۔