مسافروں سے بھراطیارہ سمند رمیں جاگر ااور پھر۔ ۔۔
ولنگٹن (ویب ڈیسک)پاپوا گنی کی فضائی کمپنی ایئرنیوگینی کا ایک بوئنگ طیارہ مائیکرونیشیاء کے ایک ایئرپورٹ پر لینڈ کرتے ہوئے پھسل کر سمندر میں جاگرا تاہم خوش قسمتی سے طیارے کے بحرالکاہل کے بیچوں بیچ پہنچ جانے کے باوجود عملے کے اراکین سمیت تمام 47مسافر محفوظ رہے ۔سمندری پانی میں موجود طیارے کے ایمرجنسی راستے سے مسافروں کو مقامی کشتیوں کی مدد سے بحفاظت نکال کر ایمرجنسی حکام کے پہنچایاگیاتاہم سات مسافروں کو ہسپتال منتقل کرنا پڑا۔
مسافر بل جینس نے بتایاکہ طیارہ زمین کے انتہائی قریب آیا جیسے کہ وہ چووک آئی لینڈ کے ایئرپورٹ پر لینڈنگ کی کوشش کررہاہو، میراخیال تھا کہ ہم بمشکل اتر گئے ہیں لیکن جب میں نے اوپر دیکھا تو ایک طرف سوراخ دکھائی دیا جس سے پانی اندر آرہاتھا، پھر میں نے سوچاکہ یہ ایسا نہیں ہوسکتا۔اس کیساتھ ہی جہاز کے اندر کھلبلی مچ گئی جس کی وجہ سے کچھ لوگوں کو سرمیں زخم بھی آئے، میں نے اپنی اہلیہ کو کال کی اور چیخنا شروع کردیا۔ انہوں نے مقامی لوگوں کی کاوش کو بھی سراہاجنہوں نے فوری طورپر امدادی کارروائی شروع کردی حالانکہ کوئی بھی ڈرسکتا تھاکیونکہ طیارہ ابھی کریش ہواتھا۔
امریکی میڈیا کے مطابق قریب ہی امریکی نیوی کے اہلکار موجود تھے جنہوں نے ساحل سے 100فٹ کی دوری پر موجود طیارے سے مسافروں کو نکالنے میں مدد کی ۔