سڈنی(ویب ڈیسک) مایہ ناز سابق آسٹریلوی بولر شین وارن نے سابق کپتان اسٹیو وا کو خود غرض ترین انسان قرار دے دیا۔ شین وارن نے اپنی کتاب ‘نو اسپن’ میں اپنے زمانہ کرکٹ کے دوران واقعات تحریر کیے اور انہی واقعات میں انہوں نے سابق کپتان اسٹیو وا کا بھی ذکر کیا اور کہا کہ وہ سب سے زیادہ خود غرض کھلاڑی کے ساتھ کھیلے ہیں۔

شین وارن نے اسٹیو وا کو خودغرض ترین کھلاڑی قرار دیتے ہوئے کہا کہ انہیں صرف اپنی 50 فیصد اوسط برقرار رکھنے کی فکر رہتی تھی جو بچکانہ حرکت اور وفاداری کی کمی کا ثبوت ہے۔ شین وارن نے اس کی مثال دیتے ہوئے اپنی کتاب میں لکھا کہ ‘1999 میں ویسٹ انڈیز کے خلاف ٹیسٹ سیریز کے دوران میں نائب کپتان تھا اور اسٹیو وا نے اس کے باوجود انہیں ڈراپ کرنے کا کہا’۔ شین وارن کے مطابق انجری کے باوجود انہوں نے برین لارا کے خلاف زبردست بولنگ کی، اس کے باوجود کپتان انہیں دوسرے ٹیسٹ سے باہر کرنے پر تلے ہوئے تھے۔ شین وارن نے لکھا کہ بطور کپتان اسٹیوا وا کو انہیں سپورٹ کرنا چاہئے تھا، میں ہمیشہ یقین رکھتا ہوں کہ کپتانی کا فن یہ ہے کہ آپ اپنے کھلاڑیوں کو سپورٹ کریں اور ان کی حوصلہ افزائی کریں۔