اسلام آباد(ویب ڈیسک) تحریک انصاف کی حکومت نی24ارب روپے گیس چوری کا بوجھ غریب عوام پر ڈال دیا ہے، جبکہ گیس کمپنیوں میں موجودہ گیس چور مافیا کو کھلی چھٹی دے دی ہے، عمران خان نے حکومت سنبھالنے سے قبل عوام سے وعدہ کیا تھا کہ وہ گیس چوری کا بوجھ عوام پر نہیں ڈالیں گے،

وزارت پیٹرولیم کے دستاویزات میں انکشاف ہوا ہے ملک میں یہ سال24ارب روپے مالیت کی گیس چوری ہوتی ہے، جبکہ حکومت اس چوری کا بوجھ عوام پر ڈال دیتی ہے حالانکہ گیس چوری میں غریب عوام کا کوئی قصور نہیں ہے سب سے زیادہ گیس چوری سندھ اور کراچی میں ہوتی ہے، دستاویزات کے مطابق سوئی سدرن میں سالانہ گیس چوری کا تناسب 13ارب 86کروڑ ہے جبکہ اس چوری کی رقوم حکومت گیس بلوں میں شامل کرکے غریب عوام سے وصول کرتی ہے جبکہ پنجاب اور کے پی کے صوبوں میں10ارب روپے کی گیس چوری ہر سال کی جاتی ہے، جس کی روک تھام کیلئے کوئی اقدام نہیں اٹھایا گیا ہے، تحریک انصاف کی حکومت نے بھی گیس چوری کا بوجھ عوام پر ڈال کر اس غریب عوام کا کمر توڑ دی ہے، عمران خان نے کہا ہے کہ گیس سیکٹر میں155ارب روپے کا خسارہ ہے اس خسارہ میں24ارب گیس چوری کے بھی شامل ہیں حکومت اس حوالے سے کوئی وضاحت دینے پر تیار نہیں ہے اور بوجھ عوام پر ڈال رہی ہے۔