وہ بھی کیا وقت تھا جب سعودی معلم پاکستان میں ۔۔۔۔‘‘ مجیب الرحمان شامی نے ایسی بات کہہ دی کہ عمران خان بھی سوچ میں پڑ گئے، سسینئر صحافی کا ناقابل یقین انکشاف
اسلام آباد ( مانیٹرنگ ڈیسک ) معروف صحافی و سینئیر تجزیہ کار مجیب الرحمان شامی نے پاکستان کے سنہری دور کو یاد کرتے ہوئے کہا کہ ایک وقت وہ بھی تھا کہ سعودی معلم یہاں آیا کرتے اور کسی نہ کسی کی دستاویز حاصل کرتے تھےکہ ان صاحب کی مدد کریں، یہ وہاں حاجیوں کی بہت خدمت کرتے ہیں۔
تفصیلات کے مطابق سعودی ولی عہد کی پاکستان آمد میں فقط 3 دن رہ گئے ہیں ، سعودی شہزادہ محمد بن سلمان 16 فروری کو پاکستان آئیں گے ان کے ہمراہ 600 سے زائد افراد کی آمد متوقع ہے ، وفاقی حکومت کی جانب سے سعودی ولی عہد کے استقبال کی تیاریاں بہت زور و شور سے جاری ہیں ، پاکستانی حکام کی جانب سے امید ظاہر کی جارہی ہے کہ اس دورے کے موقع پر سعودی عرب کی جانب سے 20 ارب ڈالر کی سرمایہ کاری کا اعلان کیا جائے گا اور مختلف معاہدے ہوں گے ، حکومت اس دورے کو تاریخی دورہ قرار دے رہی ہے ، جبکہ دوسری جانب معروف صحافی و سینئیر تجزیہ کار مجیب الرحمان شامی نے پاکستان کے سنہری دور کو یاد کرتے ہوئے ٹوئیٹ کر دی ۔ ان کا کہنا تھا ، کہ یہ سب دیکھ کر اپنا بچپن یاد آتا ہے کہ جب دنیا مدد کے لیے پاکستان کی جانب دیکھتی تھی ، دوسرے ملکوں کے لوگ مدد کے لیے پاکستان کی طرف دیکھا کرتے تھے ، سعودی معلم یہاں آیا کرتے اور کسی نہ کسی کی دستاویز حاصل کرتے ، جس میں تصدیق کی گئی ہوتی تھی کہ ان صاحب کی مدد کریں ، یہ وہاں حاجیوں کی بہت خدمت کرتے ہیں۔