پاکستان سے جنگ کی حمایت پریانکا چوپڑا کو مہنگی پڑ گئی 3 مارچ 2019
بالی ووڈ اداکارہ پریانکا چوپڑا جونز کے خلاف جنگ کی حمایت کرنے پر آن لائن درخواست دائر کی گئی ہے جس میں انہیں اقوام متحدہ کی خیر سگالی سفیر کے عہدے سے ہٹانے کا مطالبہ کیا گیا ہے۔

بالی ووڈاداکارہ پریانکا چوپڑا گزشتہ کئی برسوں سے اقوام متحدہ کے ذیلی ادارے یونیسیف کی خیرسگالی سفیر ہیں اور مہاجرین کے ساتھ اظہار یکجہتی کے لیے مختلف ممالک کا دورہ کرتی ہیں۔ تاہم پلوامہ حملے کے بعد بھارتی فضائیہ کی آزاد کشمیر میں دراندازی کے بعد دیگر بھارتی اداکاروں کے ساتھ پریانکاچوپڑا نے بھی جنگ کی حمایت کرکے امن کی خواہش رکھنے والوں کو شدید ٹھیس پہنچائی تھی۔
میڈیا رپورٹس کے مطابق جنگ کی حمایت کرنے پر پریانکا چوپڑا کے خلاف پاکستانیوں نے ایک آن لائن درخواست دائر کی ہے جس میں موقف اختیار کیا گیا ہے کہ انہیں یونیسیف کی خیرسگالی کی سفیر سے ہٹایا جائے۔